Алиментке 79 000 сом карызмын. Эмне кылсам болот?

2019.10.22, 12:38
1164

Саламатсызбы! 2018-жылдан бери алимент төлөп келем. Бир тууган эжем бар, ата-энем жок. Турмуш шартым аябай оор, батирде турам, туруктуу жумушум жок. Айына эки балага 6600 сом төлөйм. Алимент төлөгөнгө эч мүмкүнчүлүгүм болбой калды. Эмгек акым жашаган жеримен жана тамак-ашыман артпайт. Алименттин карызы 59 000 сом болду, кечиктиргеним үчүн үстүнө 20 000 сом айып пул кошулду. Кайда барбайын жетимдин сөзүн эч ким укпайт экен. Эмне кылсам болот?

 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
22.10.2019, 12:39

Нурислам Раимжанов

"Справедливость" укук коргоо уюмунун юристи

Урматтуу окурман! Кыргыз Республикасынын Үй-бүлө жөнүндөгү Кодекстинин 119-беренесинде «Алимент төлөбөө - бул адамдын ооруп калышына жана топтолгон алименттердин карызын жандырууга мүмкүндүк бербеген дагы башка далилдүү себептерден улам болгонун сот аныктаса, алимент төлөөгө милдеттүү болгон адамдын доосу боюнча аны карызды төлөөдөн толугу менен же жарым-жартылай бошотууга укуктуу» деп көрсөтүлгөн.

Демек, сиз сотко доо арыз менен кайрылууңуз керек болот. Эгер маселени мурдагы жубайыңыз менен келишип чечүүгө мүмкүн болбосо. Ошондой эле балдарыңыз да канчалык деңгээлде материалдык жактан колдоого муктаж экенин эске алыңыз. 

Биз эркектер көбүнчө ажырашуудан кийин балдарды апаларына таштап кетебиз. Балдарыбыз бар экенин алиментке бергенден кийин эстейбиз. Сиз жалгыз өзүңүздү багууга кыйналып жатыпсыз, эки баланы жалгыз багып жаткан эне кандай абалда болду экен. Эмнегедир бул боюнча сурооңузда жазбапсыз.

0
Пайдалуу жооп
А
Аноним
23.10.2019, 08:57

Чон эле эр азамат жетиммин деп жазса уят го, анан да ата-энен болсо эмне алар толомок беле?  Сенин милдетин алиментти толоо, жалкоолонбой иш издеп иштеш керек. 

0
Пайдалуу жооп
А
Аноним
29.10.2019, 15:18

Эркексинби тологун алимент, баланы жараттынбы тологун алимент, сен жалгыз башына кыйналып атсан, аялын эки бала менен вобще кыйналып ататда ошону ойлодунбу сен автор. Кыйналбаш учун иште жата бербей.

0
Пайдалуу жооп
31.10.2019, 12:03

Менин да куйом ушундай,балуу болуштан коркушпайт,алимент толодон,коркушат,алимент бонча жакшы каралса жакшы болмок

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт