УЗИге түшсөм миома бар экен, боюма бүтөбү? Гинеколог жооп берет
Саламатсызбы. УЗИге түшсөм, “женский” жагымда миома бар экен. Азырынча өтө кичине деди. Андан бери эки жолу боюман түшүп калды. Ошондон болушу мүмкүнбү?
Анализ тапшырсам бардыгы жакшы чыкты. Бирок боюма болбой жатат. Эмне кылышым керек?
Раушан Джумагулова
“Эркай” клиникасынын адиси, акушер-гинеколог
Саламатчылык. Ооба, айрым учурларда миома бойдон түшүүгө же бойго бүтпөй калууга себепкер болушу мүмкүн.
Миоматоздук түйүндөр өсүп, жатындын жыйрылышын начарлатат, бул эрте төрөткө же бойдон түшүп калууга себепкер болот.
Андан тышкары миома тукумсуздукка да себепкер. Көлөмү өтө чоң болгондо жатындын ичин деформация кылып салат.
Башка учурларда миома - бойго бүтүрүүгө, кош бойлуулукка жана төрөткө эч кандай таасири тийбейт.
Миома өзү толугу менен дарыланбайт. Бардык дарылоо убактылуу эффект гана берет.
Эгер сиздеги миоманын көлөмү кичинекей болсо, демек бойго бүтүүнүн эмес, эмне үчүн бойдон түшүп калганын аныктап, себебин билүү керек.
Миома – бул гормондон көз каранды шишик.
Бул жерден окусаңыз болот:
Миома деген эмне? Анын себептери, белгилери жана дарылоо жолдору