Күйөөм "мен сени кууган эмесмин, келсең өзүң кел", деп жатат. Психологдун кеңеши

2019.10.01, 14:48
678

Саламатсызбы. Мен 23 жаштамын. Былтыр бир жигит менен бир ай сүйлөшүп, коңшу айылга турмушка чыккам. Өзүм шаарда иштечүмүн. Ошого карабай бардык шарттарга көнүп айылга туруп калдым.

Башында баары жакшы болчу, бирок кийин өзгөрдү. Кайын атамдын мамилеси, күйөөмдүн кайдыгерлиги, чечкинсиздиги жашообузга жарака кетирди.

Ар кандай себептерден улам, ден соолугум начарлап, дарыланышым керек болуп калды. Ооруп калсам деле кайын журтумдун мени менен иши болгон жок. Төркүнүм акча берип, барып дарыландым.

Акыры оокатымды жыйнап кетип калдым. Кайра шаарга келип, мурдагы жумушума кирип иштедим. Катуу иштеп бутума тургум келди. Бирок бир аз убакыт өткөндөн кийин сагына баштадым. Көз алдыма бактылуу күндөрүбүз тартыла берчү болду.  

Өткөндө күйөөм менен интернеттен байланышып калдык. Кайра жарашууга ою барбы десем, “мен сени кууган эмесмин, келе турган болсон өзүң кел”, деп койду. Кайра бир туруп, сагындым дейт. Айтор түшүнө албай койдум.

Бирге жашап кетерибизге деле көзүм жетпейт. Эмне кылышым керек?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
01.10.2019, 14:50

Мария Самсонова

Психолог

Саламатчылык!

Азыркы тапта, эч нерсе кылуунун кереги жок. Бир аз тыныгуу алып, өзүңүздүн каалоолоруңузду жакшы түшүнүп, ирээттеп алганга чейин эч кандай аракеттерди кылбай туруңуз.

Сиздин чечимдериңиз импульсивдүү экен. Бир таанышканыңарга бир эле ай болсо деле ал жигитке турмушка чыгып алдыңыз. Андан кийин жаңы тийген күйөөңуздөн тез эле кетип калдыңыз. Карьера жасайм деп, жумушка кирдиңиз, эми кайра мурунку жашооңузду эстеп, сагындым деп жатасыз.

Шашпай отуруп жакшылап ойлонуп көрүңүз. Сиз чынында эмнени каалап жатасыз? Бардык артыкчылык, кемчиликтерди эске алыңыз.

Кайын атаңыздын мамилеси, күйөөңүздүн кайдыгерлиги жакпайт, деп жазыптырсыз. Кайра кайткандан кийин бул нерселер жок болуп кетпейт. Ошол шарттарга моюн сунуп жашаганга даярсызбы?

Куруу кыялдануу реалдуулукка келгенде бир заматта жок болот. Үзүл-кесил жагымдуу эскерүүлөрдүн негизинде келечекке план курган болбойт. Чоңдордун жашоосу кенедей балдардан эмнеси менен айырмаланат? Бул өз жашооңо, өзүңдүн чечимдериңе жооптуу болуу.

Бардыгын таразалап, андан кийин чечим кабыл алыңыз.

Мария Самсонова менен инстаграмдагы @samsonova.psiholog баракчасы аркылуу байланышсаңыз болот.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт