Ажырашкан эркекке турмушка чыккым келбейт. Психологдун кеңеши

2019.09.16, 09:37
586

Саламатсызбы. Мага сиздин кеңешиңиз керек. Жашым 23тө турмушка чыга элекмин. Мага ар дайым, мурда турмуш куруп кийин ажырашып келген мырзалар куда түшүп келе беришет. Мен андай адамдардан корком. Себеби курбу кызым ажырашкан мырзага тийип, жыйынтыгы ажырашуу менен аяктады. Күйөөсү биринчи аялына салыштыра берип, курбумдун кылган иштерине ашыкча сын айта берчү экен.

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
16.09.2019, 09:38

Эльвира Чокоева

Психолог

Кутман күн!

Түшүнгөнүмө караганда, жигиттер менен жолугушуудан чоочулайсыз, анткени курбуңуздун тагдырын кайталап алам деп коркосуз.

Курбуңуздун мурунку жолдошу аны биринчи аялы менен салыштыра бергени, кийин курбуңуз менен ажырашып кеткенине эч кандай байланышы жок. Алардын үй-бүлөсүнүн бизге белгисиз сырлары бар. Анын үстүнө ал башынан эле, кийинки келинчегине сый мамиле кылган эмес.

Сиздин курбуңуз башка адам, сиз башка адамсыз. Демек сиздин өзүнүздүн жеке жашооңуз жана тандооңуз бар. Ал эми анын күйөөсү ошондой болсо, демек бардык ажырашкан эркектер ага окшош деп ой жүгүрткөн жаңылыштык.

Мырзалар ар кандай болушат. Аялдар да түрдүү. Бири ажырашкан, экинчиси үчүн бул биринчи нике болобу, айырмасы жок. Алар мүнөздөрү келишпегендиктен эки жолго түшүштү.

Эркектердин аялдарды сыйлабаган, башкалар менен салыштырган, басынткан, кемсинткен сапаттары үй-бүлө кургандан кийин, же ажырашкандан кийин пайда болбойт. Сиз айтып жаткан эркектин мүнөзү башынан эле ушундай болчу.  

Баш кошо турган мырзаны, ажырашкан же үйлөнө элек деп эмес, анын мүнөзүнө, адамдык сапатына карап тандаңыз.

Башкысы эркек жоопкерчиликтүү, ишенимдүү, сизге, сиздин жакындарыңызга жана досторуңузга сый мамиле кылган адам болуш керек.

Ар кимдин өз жолу бар.

Бактылуу болуңуз!

Эльвира Чокоева менен инстаграмдагы @elvira_psiholog аккаунту аркылуу байланышсаңыз болот.

0
Пайдалуу жооп
А
Аноним
16.09.2019, 11:43

эртерээк турмушка чыгыш керек экен. же болбосо жалан ажырашкандар туш болуусу мумкун

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт