Ачуум тез келип, адамдар менен бат урушам. Психолог кеңеш берет

2019.08.30, 15:12
480

Саламатсыңарбы Bilesinbi.kg сайты. Мен үй-бүлөлүүмүн, 3 балам бар. Турмушубуз жетиштүү, жакшы жашайбыз. Үй-бүлөдө уруш-талаштар боло берет, бирок баарына өзүм күнөөлүүмүн. Кыялым начар. Тез ачуум келип, адамдар менен бат урушам. Бирок андан кийин кайра жаман болуп өзүмдү жемелеп, күнөөлөйм. Айланамдагыларды бактысыз кылып жатам. Пессимистмин. Кантип өзүмдү жакшы көрө алам?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
30.08.2019, 15:13

Эльвира Чокоева

Психолог

Кутман күн!

Адамдын психикасы ушундай түзүлгөн жаман же жакшы эмоциясы болбойт. Ар биринин кандайдыр бир максаты, аткара турган ролу бар.

Сиз алгач үй-бүлөм жакшы, жакшы турабыз деп жазып, андан кийин өзүңүздүн мүнөзүңүздү жамандап жатасыз. Көп ачууланып, урушуп, анан кайра күнөөлүү болуп калат экенсиз. Билесизби, ачулануу жөн жерден пайда болбойт. Бул жеке чек араны коргой турган эмоция. Балким сиздин жашооңузда сизди такыр канаатандырбаган бир нерсе бар? Ошону түшүнүүгө аракет кылыңыз.

Ички сезимдериңизди байкап көрүңүз. Бир нерсени каалап жатасыз, бирок көптөн бери жетпей жүргөн максатыңыз же тилегиниз барбы? Өзүңүзгө жетиштүү көңүл бурасызбы? Ден соолукка, сырткы келбетке, хоббиге, эс алууга?

Үй-бүлөңүздүн жашоосуна кайын журт кийлигишип, сиз өзүңүздүн укугуңузду, жеке территорияңызды коргоп жаткандан ачууланышыңыз мүмкүн. Кыскасы ойлонуп, байкап көрүңүз.

Өзүн күнөлүү сезүү сезими, өзүңүздү жемелегенден, урушкандан улам пайда болот. Ошентип эмоцияларыңыз бир айлампада айланып жүрө берет.

Эмне үчүн аялдар өздөрүнүн кызыкчылыктарын курмандыкка чалат. Анын терс жактары жана Өзүн-өзү сыйлаган аялдын 13 белгиси макалаларды окуп көрүңүз. Бул маалымат сиз азыр кайсы тарапта жүргөнүңүздү тушүнүүгө жардам берет.

Ийгилик!

Эльвира Чокоева менен инстаграмдагы @elvira_psiholog аккаунту аркылуу байланышсаңыз болот.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт