20 жаштагы сиңдим эсинен ажырап калабы деп корком. Кеңеш бериңизчи?

2019.07.10, 13:30
443

Саламатсызбы. Сиңдим 20 жашта. Кайсы жака, кимге кайрыларыбызды билбейм. Апамдын каза болгонуна 5 ай болуп калды. Ошондон тартып өзүн жоготуп, себепсиз кыйкыра берет. Башында аза тартып жатат, деп көңүл бурган эмеспиз. Бирок бул адаты дале кала элек. Молдолорго, больницага деле алып бардык, жазып берген дарыларды ичти.

Апамды жоготконум аз келгенсип, сиңдим эсинен ажырап калабы деп корком. Андан башка эч кимим жок. Кеңеш бериңизчи, эмне кылышым керек?

Эксперттин жообу
10.07.2019, 13:30

Карлыгаш Акимкулова

психотерапевт

Кайрат кылыңыз. Апаңан айрылуу, аябай чоң кайгы. Бул жоготуу эч качан унутулбайт, көпкө чейин жан дүйнөңдү кыйнайт. Сиз үй-бүлөнүн улуусу болгон үчүн токтоо, оор басырыктуу окшойсуз. Бирок, сиңдиңиз сизден айырмаланып сезимтал турбайбы. Анын психикасы үчүн бул көтөргүс жүк болду. Апасына аябай жакын болсо керек, аны менен кошо өзүн да жоготуп жатканы ошондон болушу мүмкүн.   

Тилекке каршы ал ооруп жатат. Сиз психиатрга кайрылышыңыз керек. Докутрлар бул абалдан чыгууга жардам беришет. Өз алдынча мурунку калыбына келтирүү кыйын болуп калат. Квалификациясы жогору адиске кайрылыңыз.

Ийгилик!

Асель Баимбетова

Психолог

Сиңдиңизге жөн эле дарылар жардам бербейт. Стресске курч реакция болуп жаткан экен. Ал госпитализацияга муктаж. Психикалык оорулар боюнча Республикалык борборго кайрылыңыз. Адистер, кандай оору экенин аныктап тиешелүү жардам көрсөтүшөт. Убакытты созбоңуз.

0
Пайдалуу жооп
А
Аноним
10.07.2019, 14:56

Саламатсызбы мен копчулукто суйлогондо сурдоп же толкунданып кетемби билбейм аба жетпей суйлогондо же ырдап калсам кыйналып кетем эмне кылсам болот

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт