Кичинемде көп таяк жедим, азыр коркок, өз оюн айта албаган жанмын

2019.06.14, 10:48
356

Биринчи класска барарымда орус мектепте окуйм деп туугандарымдын үйүндө жашап калдым. Бирок оюмдагы жашоо болбой, ур-токмокко алынып, бала болсом да чоңдор жасай турган ишти аткарып жүрдүм. Биринчи классты бүтүп-бүтпөй үйүмө кетип калгам. Азыр 27 жаштамын, турмушка чыккам, иштебейм.

Бирок ошондон бери оюмду ачык айтуудан, бир нерсени туура эмес жасап алуудан корком. Коркконумдан денем да ооруп кетет. Чечкиндүү эмес, жалтак жанмын.

Булардан кантип арылсам болот?

Орус тилин ошо бойдон үйрөнгөн жокмун.

Эксперттин жообу
14.06.2019, 10:49

Эльвира Чокоева

Психолог

Саламатсызбы!

Бардыгыбыз балалыкты баштан кечиргенбиз. Ошондогу жаман көрүнүштөр жана эскерүүлөр чоңойгондо да эсибизде калып, жашообузга, мүнөзүбүзгө таасирин тийгизет.

Ал кезде сиз алсыз, кенедей бала элеңиз. Азыр 27 жашка чыктыңыз. Сизге мурункудай эч ким кол көтөрбөйт деп ишенгим келет. Ичиңиздеги кичинекей кызга эне болуп аны менен мээримдүү сүйлөшүп көрүңүз.

Биринчиден эч качан өзүңүздү-өзүңүз жемелебеңиз, урушпаңыз, сындабаңыз. Тескерисинче, мактап, колдоп туруңуз. Кенедей иш жасасаңар деле, “мен азаматмын, ырас бул ишти бүтүрдүм”, же “жасаган тамагым даамдуу болду” деген сыяктуу сөздөрдү айтыңыз.

Жасаган ишиңиз үчүн өзүңүзгө белек бериңиз. Мисалы, бал муздак алып жеңиз.

Денеңизде коркуу сезими пайда болгондо да өзүңүздү жоготпой, терең дем алып, башка нерсеге алаксыганга аракет кылыңыз.

Мүмкүнчүлүгүңүз болсо сөзсүз психологго кайрылыңыз!

Ийгилик!

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт