Дарыгер "сибирское здоровье"нин дарысын жазып берди. Кызыма ичирсем болобу?
Сегиз айлык кызым жөрмөлөгөндө, уктап жатканда тердейт. Поликлиникага алып барсам, "сибирское здоровье"нин "рыбий жир" дегенин жазып берди.
Угушума караганда, балыктын майын жайында бергенге болбойт экен. Дарыгер төрт мезгилде тең берсе болот деди. Ушул чынбы? Эмне кылсам болот?
Анара Базаркулова
Педиатр
Айым, кызыңыз сегиз айлык болсо, итий оорусу менен ооруп жатышы мүмкүн. "Аквадетрим" деген дарыны бир күндө, бир жолудан төрт тамчыдан бир ай боюу берсеңиз болот. Кошумча, ЭКГ, ЭхоКГ тарттырыңыз.
Балаңызга эт, БАД бергенге болбойт.
Саламаттыкты сактоо системасына тиешелүү имараттарда БАДдарды сунуштоого жана таркатууга да болбойт. Башкача айтканда сизди көрүп жаткан дарыгердин БАД жазууга жана сунуштоого акысы жок. Медиктер бейтаптар менен чынчыл болуп, БАД - бул дары эмес, негизги тамактанууга кошулма деп айтып, туура маалымат берүүгө милдеттүү.
Окурман, БАДдар тууралуу кененирээк маалыматты бул жерден алсаңыз болот.