Консерваторияга тапшыруунун жолдору
Мен консерваторияга тапшырайын деп жатам. Окуу жайга кабыл алуу шарттары тууралуу маалымат бере аласыздарбы?
Кыргыз Улуттук Консерваториясы
Кыргыз Улуттук консерваториясы студенттерди күндүзгү жана контрактык бөлүмдөрү боюнча окууга кабыл алуу иштерин жүргүзүп келет. Биздин факультеттер:
- Оркестр факультети- төмөнкү адистер боюнча:
- кыл аспаптар (скрипка, альт, виолончель, контрабас)
- үйлөмө жана урма аспаптар (флейта, гобой, кларнет, фагот, труба, валторн, тромбон, туба, урма аспаптары)
- музыкалык эсрада искусствосу (аспаптык жана вокалдык чеберчилик).
- Фортепиано жана теория факультети - төмөнкү адистер боюнча:
- фортепиано
- композиторлук
- музыка таануу
- Вокалдык жана хор факультети- төмөнкү адистер боюнча:
- вокалдык искусство
- дирижерлук
- опералык жана симфониялык дирижеру (күндүзгү бөлүм)
- хореография режиссурасы
- Салттык музыка жана элдик аспаптар факультети- төмөнкү адистиктер боюнча:
- элдик аспаптар - (комуз, прима, альт, бас, кыяк,темир-комуз, чопо-чоор, сыбызгы, баян, аккордеон, гитара).
- кыргыздын салттык музыка жана фольклору( вокалдык чеберчилик).
Консерваториянын бардык факультеттерине музыкалык орто адистик билими бар жана мектептин атайын музыкалык адистигин бүткөн 30 жашка чейинки, жеке аткаруучулук адистигине 28 жашка чейинки абитуриенттер гана кабыл алынат. Күндүзгү бөлүмгө тапшыргандар стипендия менен камсыз кылынат, алыскы жактарда жашагандар үчүн жатакана берилет.Абитуриенттер экзамен тапшыруу убагында убактылуу жатакана менен камсыз кылынат. Документтерди кабыл алуу, экзамендер тууралуу азырынча дата коюла элек. Сиз кененирээк маалыматты Бишкек шаары, Жантошев көчөсү 115 дарегинен же болбосо тел.: 57-95-02; 57-02-25 телефондору аркылуу ала аласыз.