Чачтын түшүүсүн алдын алуу
Менин чачым кичинекей кезимде (8-класска чейин) абдан коюу болчу. Бирок андан кийин чачым бат түшө баштады. Чач үчүн маскаларды да кылып көргөм,бирок жардам берген жок. Аны кантип токтотсо болот?
Надира Бейшеева
трихолог
Чачтын түшүүсүнүн себептери абдан көп, биринчиден чач ички органдардын жабыркашынан түшөт, организим начарлаганда белги берип чач түшө баштайт. Андан сырткары стресске кабылганда, химиялык заттарга ууланганда, витаминдин жетишпөөсүндө, көп ойлонгондо, өтө көп чарчоодо, уйку качууда, окуучуларда жана студенттерде сынак учурунда чачтын түшүшү күчөйт жана чачты катуу тартып байлаганда, катуу тараганда чач көбүрөөк түшө баштайт. Айрым учурда дарыны узакка пайдалануудан, чачты туура эмес күтүүдөн да түшөт. Өзүңүз эле үй шартындагы ыкмаларды колдонуп жыйынтык чыгара албасаңыз, дарыгерге кайрылыңыз.