Комплекстен кантип бошоном?
Менин жашым 18 де, кээде өзүмө-өзүм жакпай кетем. Бирөө жаман сөз айтса эле мага тиешелүүдөй сезилет. Бул өзүмдөгү баанын төмөндүгүбү? Өзүн-өзү баалоонун кандай ыкмалары бар?
Гүлмира Молдокулова
психолог
Өзүңүзгө-өзүңүз жакпай турган болсоңуз эмне кылуу керек? Биринчиден ойлонуп көрүңүзчү, сиздин өзүңүзгө болгон мындай мамилеңиз кайдан пайда болду? Азыр эмнеге таянып турат? Өзүңө эмнең жакпайт? Кебетеңби, салмагыңбы же мүнөзүңбү?
Өзүңүзгө жакпаган адаттарыңыздан арылуу үчүн тизме түзүп көрбөйсүзбү. Тизмеде өзүңүздөгү сизге жаккан жана жакпаган саппатар болуусу керек. Жакшы сапаттарыңыз аз болуп калса жыйынтык чыгарууга шашпаңыз. Алгач сизге жакшы мамиле жасаган жакын туугандарыңыздан, досторуңуздан жана ата-энеңизден сиздин кандай сапаттарыңыз аларга жагаарын сурап, андан соң жыйынтыгын чыгарыңыз. Бир кызыктуу нерсе өзүн-өзү баалаганды билбеген кишилерде жогорку деңгээлдеги кадыр-баркы катылуу болот. Бирок көп негативдүү ойлорду ойлогондуктан өзүнө болгон баалоосу төмөн болуп калат. Бул көйгөй сиз үчүн биринчи оорунда болсо, өзүңүзгө болгон ишеничти, баалоону үйрөнүүнү кааласаңыз психолог сизге жардамын берет.