Башка бирөөгө нике кыйдырып алган күйөөмдү кантип кечирем?
Күйөөм мага билгизбей бирөө менен жүрүп кетиптир. Анын боюнда болгондо экөө нике кыйдырышыптыр. Ал уул төрөптүр, бирок фамилиясын бербептир. Мен билип калып "аны танда же мени танда" десем, "сени тандайм" деп ага талак берди. Күйөөм экөөбүздүн ортобузда 3 уулубуз бар. Мага мамилеси жакшы. Мени сүйүп алган.
Ал аял эки күйөөдөн чыгыптыр, эки күйөөдөн тең төрөптүр. Күйөөм жалынып атат. Бирок мен жибибей уруш чыгарып атам. Кандай кылсам унутам? Сабактарга катышсамбы дейм. Анан силерге кайрылып жатам. Психологдон кеңеш алгым келет. Рахмат алдын ала!
Айдана Мадишова
Психолог
Саламатсызбы!
Болуп өткөн окуяларда ал ымыркайдын күнөөсү жок экенин билиңиз. Эгер өз атасын таанып, мамиле куруп турса бала үчүн бул жакшы болот.
Ал эми сиздин жолдошуңуз менен болгон мамилеңизде көптөгөн эмоциялар, капачылык, ишенбестик калып калган сыяктуу. Мындай учурда сизге жеке же болбосо үй-бүлөлүк консультация алып, мамилеңиздин үстүнөн иштешиңизди кеңеш бермекмин. Себеби өткөн окуяларды кабыл алып, жаңы жашоо баштоо сизге да, үй-бүлөңүзгө да жакшы таасир берет.
Сизге ийгилик каалайм!
Психолог Айдана Мадишова менен @madishova.psiholog баракчасы аркылуу байланышсаңыз болот.