Өзүмдү бактысыз сезем. Ичкиликке берилген күйөөм менен кантип ажырашам?
Күйөөм менен ажыраша албай жатам. Келечектен корком, балдар эмне болот дейм. Ал ичип алып бирдемелерди чукулап сүйлөп нервге тиет. Мас болсо эле кыздарга жаза берет. Аны окуп алып кайра нерв болом.
Чогу жашаганыбызга 10 жылдан ашты. Урушкан сайын ал же мен "ажырашалы" дейбиз. Ажырашканымды элестетип, балдарымды ойлоп боорум ооруп морально чарчадым. Убакыт өтөт, кайра эч нерсе болбогондой сүйлөп баштайт, мен да чарчаганымдан, балдарды ойлогонуман "мейличи" деп жашай беребиз. Кайра ичип алганда башталат. Ошентип "замкнутый круг" болуп жүрөбүз.
Мен өзүмдү бактысыз сезем. Ичкенде башка аялдарга жазганына караганда ал да ошондой болсо керек. Эмне кылышымды билбей калдым. Кеңеш берңииздерчи.
Айдана Мадишова
Психолог
Саламатсызбы!
Бардык эле учурда ажырашуу маселени чече бербейт. Биричи кезекте жолдошуңуз менен болгон мамилеңизди анализдеп көрүңүз. Кээ бир учурда үй-бүлөдө кризис болуп, жубайлар бир-биринен алыстап кетишет. Эгер жолдошуңузду жакшы көрсөңүз, ал да сизди жакшы көрсө кыйынчылыкты жеңүү үчүн башка жол издеп көрүңүз.
Ал эми жолдошуңуз да, сиз да ажырашууну туура көрсөңүздөр анда алгач план түзүп алууңуз керек. Кайсыл жерде жашаймын, кайсыл жерде иштеймин, эмне менен алек болом деген сыяктуу.
Негизи жаңы жашоо башоо коркунучтуу сезиле берет, бирок иш жүзүндө адамдын колунан көп нерсе келет. Сиз да бул оорчулукту жеңип, жашооңузду өз нугуна салып аласыз деп ишенемин.
Психолог Айдана Мадишова менен @madishova.psiholog баракчасы аркылуу байланышсаңыз болот.