Эмне үчүн арткы тешик кычышат? Проктолог жооп берет
Саламатсызбы! Эмне үчүн аналдык тешик кычышат? Бул көрүнүш көптөн бери болуп келатат? Эмне кылуу керек?
Ызакжан Бектенов
Проктолог
Бул суроо көп адамдарды кызыктырат. Көбүнчө мындай көйгөй менен, тери патологиясы менен алектенген адистерге, инфекционисттерге кайрылышат. Ооба, кандайдыр бир инфекция, мите патологиясы болушу мүмкүн, бирок көп учурда бул белги ички геморройдон кабар берет, мисалы, биринчи же экинчи этаптары.
Адам эркин абалда, анусун эч нерсесин өткөрбөй тургандай кылып кармай алат, ал тургай газдардын бөлүнүп чыгышын жөнгө салат. Ички геморройдо адам эркин абалда болсо деле, ичегидеги былжыр көтөн чучуктан агып чыгат. Бул учурда ички геморройду айыктыруу керек, ошондо кычышуу да жоголот.
Мындан тышкары, самын менен жуу себеп болушу мүмкүн. Самын щелочтуу, анустун териси өтө жука, көп нерсени жактырбайт. Самынды тез-тез колдонуу терини кургатып, кычышууга алып келет. Көтөн чучукту жөнөкөй суу менен жууп же терини кургатпай турган атайын интимдик гелди колдонуу сунушталат.
Кычышуу пайда болдубу? Дарыгерге көрүнүп, текшерүүдөн өтүп, себеби эмнеде экенин билиш керек.