18демин. 4-класска чейин эле окугам.
Менин сурайын дегеним 4-класстан бери ооруп калгандыктан күбөлүк, аттестат ала алган жокмун. 18 жаштамын. Кесиптик лицейде акимчиликтин жардамы менен окуп жүрөм. Бирок бул жакта да күбөлүк жок болсо атестат берилбейт экен. Мен дагы жогорку окуу жайга тапшырып, окуп бир кесиптин ээси болгум келет. Бул маселе мени дайыма ойлондурат. Эмне кылсам болот?
Марат Үсеналиев
Мектептик жана мектептен тышкары билим берүү башкармалыгынын жетекчиси
Жогорку окуу жайга өтүү үчүн, толук орто билимдин ээси болуш керек. Эгерде кандайдыр бир шарттар менен билим албай калсаңыз, ар бир облуста, Бишкек шаарында атайын кечки мектептер ачылган. 4-класска чейин кайсы мектепте окусаңыз ошол жерге барып, документтериңизди алып, сабак программасын кууп жетиш үчүн жашаган жериңиздин районосуна кайрылсаңыз, кечки мектеп жөнүндө маалымат беришет. Анан кечки мектепке тапшырсаңыз болот. Аттестат баарына бир мезгилде берилет. Сиз ошол жерден кошумча сырттан окушуңуз зарыл. Июнь айына чейин толук даярданып, сынак тапшырышыңыз керек болот. Анан аттестат ала аласыз.