Күн бою энергия берүүчү эртең мененки адаттар

Бардык каалоолоруңузду ишке ашыруу үчүн өз убактыңызды туура башкарууну жана аны натыйжалуу пайдаланууну үйрөнүшүңүз керек. Ал үчүн эртең мененки адаттарды калыптандырыңыз.

• Эрте туруңуз

Эрте туруу адатын ар бир адам өнүктүрүүсү керек деп. Бирок, заманбап дүйнөдө бул оңой эмес. Эртең мененки беште ойгоно албашыңыздын көптөгөн себептери бар. Бирок баатыр болуунун кажети жок.

Уйку менен ойгонуунун ортосундагы туура балансты иштеп чыгуу жетиштүү.

Эгер сиз адатта саат 8:00дө ойгонсоңуз, бирок эки саат эрте тургуңуз келсе, ойготкучуңузду (будильник) 7:45ке коюп көрүңүз. Бир-эки күнгө созулдубу? Убакытты дагы 15 мүнөткө кыскартыңыз. Саат 6:00 турганга чейин. Муну менен катар кечки адаттарыңызды өзгөртүп, бир аз эрте уктасаңыз болот.

• Суу ичиңиз

Бул милдеттүү шарт, анткени түн ичинде организм суюктуктун запасын жоготот жана аны толуктоо керек. Эртең менен бир стакан суу зат алмашууну козгоп, организмдин ойгонуусуна жардам берет.

• Керебетти жыйнаңыз

Бул сиздин күнүңүздү баштаган биринчи жетишкендик болсун. Ийгиликтүү америкалык жазуучу Тим Феррис айткандай, бүгүн сизди эмне күтүп турбасын, сиз ар дайым төшөгүңүздү жыйнай аласыз. Бул жөнөкөй, бирок күчтүү ырым сизге бир аз сыймыктануу сезимин берет жана көбүрөөк маанилүү нерселерге көңүл бурууга мүмкүндүк берет.

• Чоюлуңуз 

Бул булчуңдарды тонуска алып келет. Стретчинг эки мүнөттөн ашык эмес убакытты талап кылат, бирок анын эффектиси сизди таң калтырат.

• Спорт менен алектениңиз

Бул бардык нерсе болушу мүмкүн: тренажер залы, йога, зумба, сейилдөө, чуркоо же батутта секирүү. Сиз жөн гана кыймылдашыңыз керек, анткени физикалык активдүүлүк:

• салмакты көзөмөлдөөгө жардам берет;
• ден соолукту жакшыртат;
• маанайды жакшыртат;
• энергия менен толтурат;
• уйкуну бир калыпта сактайт;
• жыныстык жашоону жакшыртат;
• эч болбоду дегенде кызыктуу.

• Жылымык душка түшүңүз

Бул сизге сергектик жана күч-кубаттын толкунун, ошондой эле физикалык жана психикалык абалыңызды бир топ жакшыртат. Муну машыгуудан кийин жасоо өзгөчө жагымдуу. 

• Кофе же чай ичиңиз

Бул эки суусундук тең организмге пайдасы бар жана көңүл топтоого жардам берет. Мындан тышкары, күнүңүздү бир чыны ысык нерсе менен баштоо дайыма жагымдуу.

• Диетаны көзөмөлдөңүз

Денеңизди машина катары элестетиңиз. Эгер мүмкүн болушунча узакка колдонушту кааласаңыз, кам көрүңүз.

Эң чоң көйгөй – адамдар кыска мөөнөттү гана ойлошот. Бул жөн эле мезгил-мезгили менен диета кармоо жөнүндө эмес. Сиз үчүн эң пайдалуусун тандап, максималдуу пайда алып келчү рационду тандаңыз. 

• Кечеки күндү ойлоңуз

“Кечки акылдан таңкы акыл” деген сөз бар. Күндүз биз өтө көп тажрыйба топтойбуз, ал эми кечинде ал нерселерге сергек карай албайбыз. Эртең менен өткөн күндү талдоого аракет кылыңыз. Ошентип, сиз эмнени туура кылып, кайсы жерде ката кетиргениңизди түшүнө аласыз.

• Ыраазы болуңуз

Өткөн күндү карап чыккандан кийин, азыркыга көңүл буруңуз. Сиз ыраазы болгон нерселер жөнүндө ойлонуңуз. Бул өзүңүздү оң энергия менен толуктоого мүмкүндүк берет.