Үйлөнөрдүн алдында сүннөткө отургузулсам болобу?
Саламатсызбы. Менин жашым 24тө, быйыл үйлөнөм. Бирок, сүннөткө отургузулган эмесмин. Кичинемде жөн эле бычак тийгизип, ырымдап коюшкан экен. Ошондой эле, жыныс мүчөм кичинекей. Жөн турган абалында болгону 2-3 см. Эрекция болгондо 10-11 см эле болот. Жардам бергилечи, суранам.
Азат Бейшенов
Уролог
Биринчи сурооңузга жооп бере турган болсом. Сүннөткө отургузганда жаш курак боюнча чектөө жок. Азыр деле кеч эмес. Биздин клиникага келип, сүннөт жасатып кетсеңиз болот.
Процедура 30 мүнөткө чейин созулат. Касаны кестирүү (крайняя плость) жыныс мүчөнүн көлөмүнө эч кандай таасирин тийгизбейт. Операциядан кийин дароо үйгө кете берсеңиз болот. Эки жумага чейин өзүңүз жууп, тазалап, таңып турасыз. Оор жүк көтөргөнгө жана ашыкча физикалык активдүүлүккө тыйуу салынат. Эки жумадан кийин жыныстык жашооңузду уланта бересиз.
Ал эми жыныс мүчөңүздүн чоңдугу боюнча кейигениңиз, орунсуз. Мындай көлөм азия улутундагылар үчүн нормалдуу. Жыныс мүчө 3 негизги талапка жооп берсе жетиштүү, алар:
- Жыныстык катнашка бара алат;
- Өзүнө жана төшөктөгү өнөктөшүнө кумар тартуулай алат;
- Репродуктивдик функциясын аткара алат.
Кааласыңыз, мага келип консультация алып кетиңиз.