Бул 7 кеңешти аткарсаңыз, акыр-аягы акча чогултасыз
Эмне үчүн акча чогултушуңуз керек? Бул суроого биринчи кезекте жооп беришиңиз керек. Андан кийин гана төмөндөгү лайфхактарга өтө баштасаңыз болот.
Акчаны башкаргыңыз келсе, аны өлчөңүз
Өзүңүзгө максат коюп, акча эмнеге керек экенин чечтиңиз. Эми алар каякка кетип, кайдан келип жаткандан кийин түшүнүү керек. Чыгаша менен кирешелерди тактап, канча сумма калганын билип, анан кийинки этапка өтүү керек.
Дүкөнгө же базарга тизме менен барыңыз
Азыр азгырыктар көп, рекмалара жайнайт. Базарга же дүкөнгө киргенде эле "сатып ал, сатып ал" деген жарнамалар курчап турат. анан кантип азгырбай коесуң, туурабы? Бирок чечим бар. Бул үчүн керектүү нерселердин тизмесин түзүп, ага кирген нерселерди гана сатып алыңыз. Ошондо ашыкча чыгымдан арыласыз.
Биринчи өзүңүзгө төлүңүз
Кирешеңиздин кеминде 10% үнөмдөшүңүз керек. Айлык аларыңыз менен ушул 10%ды четке алып койгонду адат кылыңыз. Коркпоңуз, кирешеңиздин 90%ына деле сонун жашай аласыз.
Тапканыңыздан азыраак коротуңуз
Аппетит тамактана баштаганда келет дегендей, канчалык көп тапсак, ошончолук көп чыгым боло баштайбыз. Ошондуктан, кирешелер чыгашаларга караганда тез өсүүсү үчүн чыгашалар менен кирешелердин ортосунда тең салмактуулукту сактоо маанилүү.
Колуңузда жок акчаны коротпоңуз
Колуңуздан келбеген нерсени сатып албаңыз, кеп карыз, кредит жана ысырапкорчулук жөнүндө. Албетте, сиз бир баалуу нерсе сатып алам деп азгырылышыңыз мүмкүн, анткени насыя алуу азыр абдан оңой. Болгону кредитти пайыздар менен төлөп берүү өтө көп убакытты талап кыларын унутпаңыз.
Жаңы мүмкүнчүлүктөрдү издеңиз
Ай сайын кирешеңизди көбөйтүүнүн 10 жолун жазыңыз. Жаңы киреше булактарын табууга же жумушуңуздан учурдагы кирешеңизди жогорулатууга жардам бере турган мүмкүнчүлүктөрдү издеңиз. Көз караштарыңызды кеңейтиңиз жана жөндөмүңүздү өркүндөтүңүз: каржы боюнча китептерди окуңуз, бизнес клубдарга барыңыз жана жаңы адамдар менен таанышыңыз. Ийгиликтүү адамдардын жанында болуңуз.
Акча тууралуу позитивдүү ойлонуңуз
“Акча адамды бузат”, “ыплас акча”, “чоң акча жаман”, ж.б терс көз караштар жолуңуздар тоскоолдуктарды жаратат. Акчага болгон терс ойлоруңузду позитивке өзгөртүңүз, ошондо ишиңиз жүрүшө баштайт.