Эки тарап тең макул болсо, ЗАГС канча күндө бузулат?
Саламатсызбы! Мен жубайым экөөбүз ажырашып жатканбыз, ортодо бала жок, үйлөнгөнүбүзгө 9 жыл болду. ЗАГСты канча күндө ажыратат, эки тарап тең макулбуз, тез арада ажыратса болобу?
Жаңыл Алымкул кызы
Юрист
Саламатсызбы!
1) Эгерде ортоңуздарда жашы жетпеген бала жок болсо анда, ЖААК ( Жарандык абалдын актыларын жазуу) органына чогуу арыз жазып калтырган күндөн 1 ай өткөндөн кийин никенин бузулгандыгы тууралуу күбөлүк берилет.
( негиз: КР Үй-бүлө кодексининин 20-беренеси, КР "Жарандык абалдын актыларын жазуу" жөнүндө мыйзамынын 26-беренеси)
2) Эгерде, ортодо жашы жетпеген бала, же мүлк талашуу маселеси жаралып, сот аркылуу ажырашууга туура келсе, анда соттун чечими чыгып, 30 күндө күчүнө киргенден кийин ошол чечимди ЖААКка алып барып, андан соң никенин бузулгандыгы тууралуу күбөлүк ала аласыз.
(негиз: КР Үй-бүлө кодексининин 22-23-24-26 беренелери, КР "Жарандык абалдын актыларын жазуу" жөнүндө мыйзамынын 28-беренеси)
Юрист Жаңыл Алымкул кызы менен инстаграмдагы @lawyer.janelle баракчасы аркылуу байланышсаңыз болот.