Кыз баланын жыныс кынына дагы сөөл чыгабы?
Саламатсызбы! Мен гинеколоulон кеңеш сурайын дегем. Кыз баланын интимдик жагына (мүчөсүнө) сөөл чыгабы? Кокусунан байкап калдым, катуу болуп агарып турат сөөлгө окшоп. Башында угри окшойт деп ойлогом, андай эмес экен. Мурда колума чыккан болчу. Молдого окутуп жок кылганбыз. Эмне кылуу керек, кантип айыктырса болот? Жана да бул эмнеден улам келип чыгышы мүмкүн? Терс таасирин тийгизбейби? Тынчым жоголду, ушул нерсени ойлоп.
Жамиля Сагинова
Гинеколог-эндокринолог
Саламатсызбы!
Бул нерсени "кондиломы" деп коет, же жыныстык сөөл. Иммунитеттин төмөндөшүнөн жана вирус инфекциясын жуктуруп алгандан пайда болот. Адатта жыныстык жашоо менен жашаган же петтинг кылган айымдарда кездешет. Инфекция өнөктөштөрдөн, күйөөлөрдөн жугат. Сиздин учурда, эгер сиз жыныстык жашоо менен жашабасаңыз, анда бул вирусту жуктурган башка адамдардын жеке гигиеналык буюмдарды колдонуп жуктуруп алган болушуңуз мүмкүн. Самын: самын, сүлгү, ич кийим, мочалки ж.б. Дарылоо вируска каршы дарыларды ичүүдөн же аны салып салуудан турат. Алгач чындап эле кондиломалар экенин адис карап, аныкташы керек. Бул үчүн гинекологго барыңыз.
Ден соолукта болуңуз!
Гинеколог-эндокринолог Жамиля Сагинова менен инстаграмдагы @doktor.saginova баракчасы аркылуу байланышсаңыз болот