Кайын энем алып кетип калган келинчегимди кантип кайтарсам болот?

2022.01.26, 10:18
7564

Саламатсызбы! Чыгарып берип коесуздарбы! 29 жаштамын, Нарын шаарынан боломун. Келинчегим экөөбүз баш кошконубузга 4 жыл болуп калды. Ортодо уулубуз бар. Эл катары жашообуз жакшы күндөр менне өтуп жатты. Ортодо түшүнбөстүктөр болду. Ансыз болбойт да. Ошентип энем менен жубайым каяша айтыша башташты. Өзүнчө бөлүнүп кетип калайын десем,  ата-энем дагы жаш эмес. Муну сүйүктүүмө түшүндүрүп жүрдүм. Күндөрдүн биринде үйгө келсем кайын энем келип алып кетип калыптыр. Чалсам албады, артынан барсам кайын агам "жиндери тарасын бара бер" деп жолго салды. Үйгө келип эмне болду десем "билбейм сонун эле чай ичип жатсак, кайын энең келип ар сөздү айтып сүйрөп кетти" дешет. Ишенбестен кайра кайра чалып, жазып жаттым. Телефонун өчүрүп ошону менен жок болду. Түнү кирерге тешик тапай таң аттырдым. Телефонумду алсам смс жазып койгон экен жубайым. "Мени унут, сен жакшы баласың мен сени менен жашабайм кечир." Чалсам өчүк, бүт социалдык тармактан блок кылып койгон экен. Ата-энеме "мен иш менен 5 күнгө үйгө келбейм" деп калп айтышка туура келди. Ошол бойдон Москвага келип азыр кулагым тынч, уруш-талаш жок. Бирок үй-бүлөбүздү сагындым. Келгиле өзүбүзчө эле жашайлыкчы десем келгиси жок, же мага сабак кылайын деп жатабы түшүнбөйм. "Менде сага көнүлүм жок" дейт. Ортодо уулубуз болбогондо мен деле макул деп кое берет элем. Эмне кылышты билбей жаткан кезим. Силердин сайты угуп калып жазышты туура көрдүм. 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
26.01.2022, 10:31

Виталий Пукаев

Кыргыз Россия билим берүү академиясынын окутуучусу, психотерапевт

Кутмандуу күнүңүз менен! 

Кыязы үй-бүлөңүз олуттуу кризистен өтүп жаткан окшойт. Катыңызда көп кайгы, түшүнбөстүк, өкүнүү бар. Чынында, болуп жаткан көп нерсени сиз күткөн эмессиз жана алдын ала көрө албаган окшойсуң. Бирок ажырашууга эмне себеп болгону толук жазылган эмес. Чечимдердин ыкчамдыгы жана олуттуулугу кризистин тереңдигин чагылдырат. Тактоо форматы, тилекке каршы, таптакыр жок. Конфликт оңой эмес, муундар ортосундагы конфликт.

Сиз ата-энеңизге катуу байлангансыз, бул жерде кеп милдетте гана эмес, сезимдерде дагы. Анын үстүнө никеңизде тынчыңызды алып жаткан балаңыз бар экен. Ошол эле учурда апаңыз менен сиз, жубайыңыз менен апаңыз ортосундагы дооматтардын жана конфликттердин маңызы эмнеде жана аны чечүү канчалык деңгээлде мүмкүн экенин кошумча маалыматсыз айтуу мүмкүн эмес. Байланышты үзүү жана сүйлөшүүдөн баш тартуу олуттуу кадам болуп саналат, анын себептери болушу керек.

Кыязы, бири-бириңерге нааразычылыктар жана дооматтар абдан көп. Бирок 
жубайыңыз экөөңөрдүн ортоңордо ушунча адам кийлигишип жатканда (туугандар, ата-энелер ж.б.) бири-бириңер менен сүйлөшүү кыйын болот. Бул жерден жубайыңыз менен диалог курушуңуз керек, анын үстүнө ата-энесиңер. 

Балким, психологго барып кеңеш аласыз, анткени жагдайды толук тактоо керек, адис эмне каалап жатканыңызды түшүнүүгө жана кандай кадамдарды жасоо керектигине жардам берет. Бул нерсени түшүнүү менен сиз өзүңүздүн позицияңызды айкыныраак көрөсүз жана балким башканы да түшүнөсүз. Сизге ийгилик каалайм!

Виталий Пукаев менен инстаграмдагы @vitaly_pukaev аккаунту аркылуу байланышсаңыз болот.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт