ЗАГС жок кызымдын аталыгын аныктата аламбы? Юристтен кеңеш
Саламатсызбы! Жолдошум каза болуп калган. Ортобузда кызыбыз бар. ЗАГС жогуна байланыштуу фамилиясы менин атымда. Эми "отцовство" алайын десем справка алып кел дейт. Бирок мурунку жолдошум менен ЗАСГ жок да. Кандай кылсам болот?
Жаңыл Алымкул кызы
Юрист
Саламатсызбы! Ортодо нике күбөлүк болбосо да аталыкты аныктата аласыз.
Баланын энеси менен официалдуу никеде турбаган киши көзү өтүп кетсе, анын аталыгы сот аркылуу таанылат. (Негиз: КР Үй-бүлө кодексининин 53-беренеси).
Бул үчүн сиз өзүңүз сотко "аталыкты таануу/аныктоо" боюнча доо арыз жазып кайрыласыз.
Сизден сурап жаткан справка бул - жолдошуңуздун каза болгондугу тууралуу күбөлүк. Албетте, ал сөзсүз талап кылынчу документ.
Андан тышкары, кызыңыздын атасы ошол киши экендигин көрсөткөн социалдык далилдер да керек болот. Мисалы:
- чогуу түшкөн сүрөт, видеолор;
- чогуу бир жакка барып, сатып алып, чогуу иш-чараларды аткаргандыгыңыздарды далилдеген фактылар;
- кошуна, достордун көргөзмөсү;
- ж.б. фактылар
Юрист Жаңыл Алымкул кызы менен инстаграмдагы @lawyer.janelle баракчасы аркылуу байланышсаңыз болот.