Күйөөм эки кызыма 700 сом алимент төлөйт. Көбөйттүрсөм болобу?

2021.11.30, 12:04
332

Саламатсызбы! Мен эки кызыма 700 сом алимент акча алам. Көбөйтүп бергиле десем көңүл бурбай жатышат. Эмне кылсам болот? 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
30.11.2021, 12:07

Жаңыл Алымкул кызы

Юрист

Саламатсызбы!

Сизден тактай кетүүчү жагдайлар бар: 

1) 700 сом деген мурдагы жолдошуңуз экөөңөр өзүңөр макулдашып койгон суммабы?
2) Кайсы убакыттан бери аласыз?
3) Сот аркылуу болсо, сотко жазган арызыңызда алименттин өлчөмүн кандай кылып көрсөттүңүз эле: бардык кирешесинин 1/3 деппи, же туруктуу акчалай суммада деппи?

Эгерде биринчи себептерден улам 700 сом алып жатсаңыз анда бир аз түшүнүктүү.

А бирок, соттун чечими боюнча 2 балага 700 сом чыгышы мүмкүн эмес!

Мыйзам боюнча 2 бала үчүн жоопкердин бардык тапкан кирешесинин 1/3 бөлүгү (башкача айтканда 33%) төлөнүшү керек.

Эгерде ал иштебесе, же кирешеси аябай эле аз болсо да баары бир алиментти төлөөгө милдеттүү. Бул жерде өтө маани берчү жагдай:
КРнын Үй-бүлө кодексининин 86-беренесине ылайык, алименттин эң аз өлчөмү айына бир балага - бир эң аз эмгек акыдан кем эмести, эки балага - бир жарым эң аз эмгек акыдан кем эмести, үч жана андан көп балага - эки эң аз эмгек акыдан кем эмести түзүшү керек.

Учурда Кыргызстанда эң аз эмгек акынын өлчөмү 1865 сом. (Бул көрсөткүч жыл сайын өсөт). Ошондо 2 бала үчүн бир жарым эң аз эмгек акы дегенде сиз бери жагы 1865 + 932 = 2797 сом алышыңыз керек.

Андыктан, эгерде соттун чечими боюнча 1/3 деп аныкталып, бирок мурдагы жолдошуңуз айлыгынын аздыгын себеп кылып 700 сом гана төлөп жүргөн болсо анда сот аткаруучу менен байланышыңыз. Бул жагы сот аткаруучу менен иштешип чечиле турган маселе.

Юрист Жаңыл Алымкул кызы менен инстаграмдагы @lawyer.janelle баракчасы аркылуу байланышсаңыз болот.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт