Секонд-хендде жин шайтандар жабышканбы?
Секонд-хендден кийим алсам апам урушту, ал жактын кийимдеринде жин, шайтандар болот деп. Чындыгында эле ошондойбу?
Секенд хендден алган кийимдер кишини аллергия кылып же оору жуктурабы?
Улан Усупов
дин таануучу
Албетте эл арасында мындай сөздөр жок эмес. Секонд-хенддин же башка бирөөнүн (туугандардын, тааныштардын ) кийимин кийсе болот. Болгону алгандан кийин жакшылап жууп туруп, анан кийиш керек. Андай кийимдерде жабышкан жин, шайтан болот деген түшүнүк туура эмес.
Низар Кеңешбеков
аллерголог
Секенд хендден алган кийимдерден оору жуктуруп же аллергия болушуң мүмкүн. Себеби буга чейин ал кийимди кандай адам кийгенин сен билбейсиң да. Ким билет ал кийимдерди денесинде жугуштуу оорусу бар адам кийгендир. Ал жактын кийимдеринин кездемеси жакшы деп арзан баада алганың менен өзүңө коркунучтуу ооруларды жуктуруп алуу коркунучу бар. Деги эле секенд хендден алган кийимдер эмес кадимки эле биз дайыма базардан, дүкөндөрдөн сатып алып кийип жүргөн кийимдерден да денеси сезгичтердин кычышуу, чүчкүрүү же аллергияга реакциясы болушу мүмкүн.