Зордуктоо боюнча арыз канча күндө каралып, күнөөлүнү канча күндө кармашат?

2021.10.18, 13:57
356

Саламатсызбы! 6-октябрда укук коргоо органдарына тааныш бала эркиме каршы зордуктаганы үчүн арыз жазып, экспертизадан да өткөм. Бирок ушул убакка чейин эч кандай чара көрүлө элек. Тергөөчүгө чалсам "өзүбүз сизге байланышабыз" деген гана жоопту айтып жатат. Негизи арыз канча күндө каралып, күнөөлүнү канча күндө кармашат?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
18.10.2021, 14:02

Нурислам Раимжанов

"Справедливость" укук коргоо уюмунун юристи

Урматтуу окурман! Кыргыз Республикасынын Жазык-процесстик кодексинин 151-беренесинин 1-бөлүгүнүн негизинде, милиция кандай гана болбосун жасалган кылмыш жөнүндө арызды же билдирүүнү кабыл алууга жана каттоого милдеттүү. Арыз ээсине арызды же билдирүүнү кабыл алган адамды көрсөтүү менен арыздын же билдирүүнүн Кылмыштардын жана жоруктардын бирдиктүү реестринде катталган убактысын жана каттоо номерин көрсөтүү менен кылмыш жана (же) жоруктун катталгандыгы тууралуу документ берилет.

Демек, сизде арызыңыз кабыл алынгандыгы жөнүндө документ болуусу керек. Эгерде сизге карата кылмыш кылган адамга карата шектенүү жөнүндө тергөөчү кабарлама берген эмес болсо, ишти тергөөгө атайын коюлган мөөнөт жок. Ошондуктан тергөөчү кылмышты бетин ачуу үчүн аракет кылуусу керек.

Ишиңиз боюнча сиз өтүнүч менен тергөөчүгө кайрылсаңыз болот, ал эми өз өтүнүчүңүздө кылмыш кылган адамды камакка алууну сурансаңыз болот. Сиздин бул өтүнүчүңүзгө тергөөчү үч күндүн ичинде жооп берүүсү керек. Ошондой эле сизге жакшы жактоочу жалдооңузду сунуш кылам.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт