Мени инстаграмынан жамандап жаткан адамга кандай чара көрсөм болот?

2021.10.08, 11:47
505

Саламатсызбы! Менин атымдан бирөө инстаграмдан аккаунт ачып, сүрөттөрүмдү киргизип, "сторисине" жаман сөздөрдү жазып жатат. Кандай чара колдонсом болот? Ал аккаунтка чалсам албайт, жазбайт. Сураныч жооп алып берип коюңузчу. 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
08.10.2021, 12:06

Нурислам Раимжанов

"Справедливость" укук коргоо уюмунун юристи

Урматтуу окурман! Кыргыз Республикасынын "Анык эмес (жалган) маалыматтан коргоо жөнүндөгү" мыйзамынын 3-беренесинин 3-бөлүгүнүн негизинде "Ар-намысына, кадыр-баркына жана ишкер беделине шек келтирген анык эмес (жалган) маалымат жайылтылды деп эсептеген ар бир адам интернет тармагындагы сайттын ээсине же интернет тармагындагы сайттын баракчасынын ээсине, баракчадан же сайттан анык эмес (жалган) маалыматты токтоосуз (кайрылган учурдан тартып 24 сааттын ичинде) алып салууну жана мурда жарыяланган анык эмес (жалган) маалыматты жокко чыгаруучу маалыматты жарыялоо жөнүндө талап менен кайрылууга укуктуу" деп көрсөтүлгөн.

Ошондой эле, эгерде маалыматты өчүрүүдөн баш тартып жаткан болсо, сиз сотко кайрылып өз укугуңузду коргосоңуз болот. Сотко кайрылуудан мурда бул тармакты жакшы билген адистерден кеңеш алуу зарыл. Анткени соттон эмнени суранса, сизге пайда берчү жагдайларды алардан тактоо керек.

Жогорудагы мыйзам боюнча министрлер кабинети тарабынан аныкталган тартипте интернет тармагындагы сайттын ээсинин же интернет тармагындагы сайттын баракчасынын ээсинин иш-аракеттерине даттанууга, анык эмес (жалган) маалыматтарды алып салууну жана сайттын же сайттын баракчасынын ишин токто турууну талап кылууга укуктуу, деп көрсөткөн. Бирок бул тартип кандай болуусу керек экендиги бүгүнкү күндө маалым эмес. Мындай учурларда кээ бир адамдар милицияга же улуттук коопсудук кызматына дагы арыз менен кайрылууда. 

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт