Жети жаштагы баламдын колу туткак. Кантип калтырсам болот?

2021.09.02, 13:45
744

Саламатсызбы! Балам 7 жашта, колу туткак болуп жатат, кандай калтырсам болот? Үйдөн эжесинин сумкасынан, менин сумкаман акча алып алат. Атасынын акчасына тийбейт.

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
02.09.2021, 13:46

Нуриза Батырбекова 

Психолог 

Саламатсызбы! Сурооңуз үчүн чоң рахмат. Бул куракта мындай көрүнүштөр болушу мүмкүн. Эң биринчиден баладан себебин билүү керек. Айталы, акча эмне үчүн керек болду. Анткени, 6-7 жаштан баштап бала бир чөйрөгө кошулат, кандайдыр бир социалдык жашоосу башталат, ал жакта муктаждыктар болушу мүмкүн.

Экинчиден бала менен сүйлөшүп, ар бир адамдын чеги болорун, эмнени алса болорун же болборун айтуу керек. Ортодо ишенимдүү байланыш болушу зарыл, ал ата-энесине сырын айткыдай болсун. Кандай нерсе айтса дагы урушпай, түшүнүү зарыл. Ошондой эле баланын жеке бюджети бар болушу керек экенин унутпайлы.

Бул жерде баланын жеке бюджети гана эмес, столу, стулу, өзүнө таандык китептери, буюмдары дагы бар болсун. Анан ошол жерден балага ар бир адамдын жеке буюмдары болорун, аны уруксатсыз алса негативдүү сезимдер пайда болорун айтуу сунушталат.

Бир нерсе керек болсо, ачык айтып сураганды үйрөтөбүз. Уруп, сабаган болбойт, кайра балада коркуу сезимин жаратат.

Эгер бул кеңештер жардам бербесе адиске кайрылуу кажет. 

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт