Алтын спираль жакшыбы же күмүшпү? Гинеколог жооп берет
Саламатсызбы! Спиарль салдырайын дегем. Анын түрлөрү көп экен. Кээ бирөө алтынын салдыр дейт, айрымдары күмүштү мактайт. Кайсынынсы жакшыраак? Кеңеш берип коесузбу?
Светлана Коздрович
Гинеколог-эндокринолог
Саламасызбы! Каалаган спиралды салдырсаңыз болот. Бардыгынын аткара турган функциясы бирдей. Ал эми алардын курамына кире турган металл деле чоң айырмачылыкты жаратпайт. Болгону антисептикалык эффектиси бар.
Эсиңизде болсун, бир да спираль жынысты катнаш аркылуу жугуучу инфекциялык оорулардай сактабайт!
Башка жатын ичине салынуучу спиралдардан гормоналдык спираль кескин айырмаланат. Жатын тезирээк көнөт жана оң таасирди бере баштайт. Гормоналдык спиралдар жамбаш сөөк органдарынын (органы малого таза) гормондон көз каранды болгон башка оорулардын (эндометриоз, гиперплазия эндометрия, кисталар, жарым-жартылай миомаларды) алдын алат.
Гормоналдык спираль салдыргандан кийин этек кири азайып, жок болуп да кетиши мүмкүн. Бирок бул патология болуп эсептелинбейт. Себеби анын терапевтикалык жана профилактикалык таасири чоң.
Кандай гана спираль койдурууну чечсеңиз да, алгач гинекологдун консультациясын алып, аны менен кеңешүү зарыл.
Ден соолукта болуңуз!
Гинеколог-эндокринолог Светлана Коздровичти инстаграмдагы @arzclinic баракчасы аркылуу тапсаңыз болот.