Аял ажырашуу үчүн өз алдынча сотко кайрыла алабы же жокпу?

2021.07.16, 10:35
703

Саламатсызбы! Бизде мындай суроо бар эле. Сотко ажырашуу боюнча кайрылганда күйөөсүнүн макулдугу дана паспорту керек дешкен. Аял эмне үчүн ажырашууга өз алддынча сотко кайрыла албайт? Же кантип аял өзү ажырашууга арыз таштай алат? Ажырашуунун себеби үй-бүлөдөгү зордук. 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
16.07.2021, 10:38

Нурислам Раимжанов

"Справедливость" укук коргоо уюмунун юристи

Урматтуу окурман! Эгерде жубайлар келишип ажырашууга мүмкун болбогон учурда, ажырашууну каалаган жубай сотко арыз менен кайрылуусу керек. Тактап айтканда, Кыргыз Республикасынын Үй-бүлөлүк кодексинин 22-беренесинин 1-бөлүгүндө жубайлардын ортосунда жашы жетпеген балдары болсо, же никени бузууга жубайлардын бири макул болбосо, мүлк жагынан бири-бирине доосу болсо, никени бузуу сот тартибинде жүргүзүлөт, деп көрсөтүлгөн. Демек, сиздин сотко ажырашуу жөнүндө доо арыз менен кайрылууга укугуңуз бар.

Ал эми аялдар эмне үчүн өз алдынча сотко кайрыла алышпайт деген сурооңузга токтолсок, анда, Кыргыз Республикасынын Конституциясынын 24-беренесинин 3-бөлүгүндө “Кыргыз Республикасында эркектер жана аялдар бирдей укуктарга жана эркиндиктерге, аларды ишке ашыруу үчүн бирдей мүмкүнчүлүктөргө ээ” деп көрсөтүлгөн. Демек, аялдар өз алдынча сотко кайрылууга болбойт деген чектөө жок.

Ошондой эле, үй-бүлөдөгү ошол аялга карата болуп жаткан зомбулук боюнча милицияга арыз менен кайрылып, коргоо ордерин алууга болот экендиги жөнүндө эскертебиз.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт