Турак жай кооперативдерине ишенүүгө болобу? Юристтен жооп
Саламатсызбы! Жаңыдан келип жаткан турак жай кооперативдерине ишенүүгө болобу? Кийин алдамчылыктын курманы болуп калбайбызбы? Булардын үстүнө көзөмөлдөгөн органдар барбы? Юристтен кеңеш алып бериңизчи.
Нурислам Раимжанов
"Справедливость" укук коргоо уюмунун юристи
Кооперативге ишенип, ишенбөө ар бир адамдын өзүнүн тандоосу.
Кооперативдерди тандоодо төмөнкү суроолорго жообуңуз болушу керек:
- Сизге убада берип жаткан адам кайсы кооперативге мүчө?
- Ал Кыргызстанда мыйзамдуу иш алып барабы?
- Каттоосу барбы?
- Салык төлөйбү?
- Бюджети кандай?
- Кимге канча үй берди?
- Кандай жыйынтыктарды көрсөттү?
- Ал кооперативге нааразы болгондор жокпу?
- Курулуш иштери жүрүп жаткан объектилери барбы?
- Ал объектилердин документтери барбы? ж.б
Чынында кооперативдердин документтерин көбөй, алар жөнүндө билбей туруп ишениңиз же ишенбеңиз деп кеңеш бере албайм. Кеңешим жаңыдан ишин баштап жаткан турак жай кооперативдерине эмес, көптөн бери иштеп келе жатканын тандаңыз. Кандай жыйынтыктарга жетишкендиктерин байкаңыз. Тааныштардан сураштырыңыз, алар жөнүндө көп маалымат топтогонго аракет жасаңыз. Мындай учурда шашылыш чечим чыгаруудан алыс болуңуз.