ЖРТ сертификаты эки жылга жарайбы? Адис жооп берет
Билим берүүнү баалоо жана окутуу усулдары борборунун өкүлү Чынара Батракеева окурмандардын ЖРТ тууралуу суроолоруна жооп берди.
9-классты бүткөндөр ЖРТ тапшыра алабы?
ЖРТга атесттаты же орто кесиптик диплому бар жарандар гана катыша алат. Күчүн сынап көргүсү келген 9-10-класстын окуучулары үчүн сайтыбызда өзүнчө сынак тесттери бар.
Жогорку окуу жайда окуп жаткан студент ЖРТ тапшыра албайт!
ЖРТнын жыйынтыгы 2 жылга жарайбы?
ЖРТнын жыйынтыгы боюнча берилген сертификаттын жарамдуу мөөнөтү бир жыл.
ЖРТ тапшырып коюп аскерге кеткен жарандардын сертификаты 2 жылга жарактуу.
ЖРТга даярдаган курстарга ишенсе болобу?
Учурда ЖРТга даярдаган курстар көп. Бирок, алардын материалдары ЖРТга дал келбейт, көбү интернеттен алынган. Тестке өз алдынча эле даярдансаңар болот. Биздин сайтта видеосабактар, онлайн тесттер, колдонмолор бар. Баары акысыз.
Эскертүү! Билимди баалоо жана окутуу усулдары борбору ЖРТга даярдаган курстарды өткөрбөйт, башка курстар менен кызматташпайт!
ЖРТга катталып, бирок түрдүү себептер менен ага катыша албай калса эмне болот?
Жүйөөлүү себептерден улам (ооруп калса, чет өлкөгө мелдешке кетсе ж.б) май айында өтчү негизги тестке катыша албай калган жарандарга, июнда дагы бир мүмкүнчүлүк берилет.
Билим берүүнү баалоо жана окутуу усулдары борбору
Дареги: Бишкек шаары, Токтогул көчөсү, 90-2
Телефону: 0312 66-48-38
Электрондук почтасы: ceatm@ceatm.elcat.kg