Банкка барбай эле депозит ачса болобу? Депозиттер боюнча суроого адис жооп берет

2021.05.24, 12:54
623

"Айыл Банктын" кызматкери Максат Акаков Bilesinbi.kg сайтынын түз эфиринде конокто болуп, депозиттер боюнча суроолорго жооп берди. Эфирди толугу менен инстаграм баракчабыздан көрө аласыз. 

Азыркы учурда “Айыл Банкта” кандай акциялар болуп жатат?

Саламатсызбы! Быйыл "Айыл Банк" 25 жашка толду. 25 жылдык мааракесинин урматына кардарларыбыз үчүн “стандарттык ставкага 1 кошуу жана кошуу 2” акциясын баштадык. 2021-жылдын 10-майынан 2021-жылдын 10-августуна чейин ар бир адам улуттук валютада "Керемет", "Ардагер" жана "Кенч" депозиттерин 24 жана 36 айга, башкача айтканда, 2 жана 3 жылга 14% га чейин ача алышат. 

Депозит ачуу үчүн эмне кылуу керек?

Депозит ачкысы келген адам паспорту менен банкка кайрылат. Ошол жерден келишим түзүлүп, эсеп ачылат. ab.kg сайтыбызда депозиттин ар кандай түрлөрү бар. Кардар кааласа сом, рубль же доллар менен ача алат. 

Банкка барбай эле депозит ачса болобу?

Дистанциондук түрдө депозиттин шарттары менен таанышып чыксаңыз болот. Ал эми келишимге кол коюу үчүн сөзсүз банкка келишиңиз керек. Бирок, кийин депозитти ЭЛКАРТ тиркемеси аркылуу эле толуктай бересиз. Бул учурда банкка келүүнүн зарылчылыгы жок. 

Депозиттин пайызы жылынан көз карандыбы?

Ооба, депозитти узак убакытка ачсаңыз, пайызы дагы жогору болот. 

«Айылга салым» депозитинин шарттарын айтып бересизби. 

Албетте, айтып бере алам. Депозиттин шарттары:

  • Минималдык сумма: 5000 KGS; 5000 RUB; 100 USD
  • Проценттер ай сайын төлөнүп берилет
  • Келишим мөөнөтүнөн мурда бузулса – проценттер депозиттин чыныгы колдонуу мөөнөтүнө жараша төлөнүп берилет.
Келишимдин мөөнөтү (ай) “Айылга салым”
KGS USD RUB
12 6%-8% 1,75% 2,5%-3,5%
24 7%-9% 1%-2% 3,5%-4,5%
36 8%-10% 1,25%-2,25% 4%-5%
48 9%-11% 1,5%-2,5% 5%-6%
60 10%-12% 2%-3% 6%-7%
Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт