Гинеколог канча жигит менен болгонумду сурайт. Эмнеге муну билгилери келет?
Саламатсызбы! Мен 26 жаштамын. Гинекологдорго көрүнгөнү барсам, канча жигит менен болгонумду сурай беришет. Жыныстык жашоо менен жашайм. Ошентсе дагы, кээде калп айтып коем. Бул так диагноз коюуга тоскоол болобу? Эмнеге гинеколог канча жигит менен болгонумду билиши керек?
Светлана Коздрович
Гинеколог-эндокинолог
Саламатсызбы! Өнөктөштөрдүн саны жана алардын өзгөрүү жыштыгы репродуктивдик системанын, биринчи кезекте, жугуштуу мүнөздөгү айрым ооруларынын тобокелдигин көрсөтүшү мүмкүн.
Өнөктөштөрү көп же аларды тез-тез алмаштырып турган аялдарда жатын моюнчасынын рак оорусу жогору болот. Анткени, ал жыныстык жол менен гана жуккан адамдын папилломавирусунан келип чыгат. Ошондой эле, анын ичиндеги сифилис, гепатит вирустары, ВИЧ жана башкалардын дагы тобокелдиги бийик.
Ошондуктан, бул маалымат гинеколог үчүн абдан маанилүү. Демек, ал башка бирөөнүн жеке жашоосуна кызыкканы үчүн сурабайт.
Ден соолукта болуңуз!
Гинеколог-эндокринолог Светлана Коздровичти инстаграмдагы @arzclinic баракчасы аркылуу тапсаңыз болот.