Ук, аракет кыл, изден: кесип тандоого жардам берген кеңештер

2021.05.06, 14:23
916

Мектепти бүтөрүңө аз калды, бирок дагы деле кесип тандай элексиңби? Ата-энең, досторуң сунуштаган варинаттар жакпай жатабы? Эл аралык Ала-Тоо университетинин мугалими, илимдер кандидаты Рустам Умаров кесип тандоо боюнча кеңеш берет.

Өзүңдү таанып бил

Өзүңүздү-өзүңүз таанып билиңиз. Жөндөмүңүзгө жана мүмкүнчүлүгүңүзгө баа бериңиз. Эгерде так илимдерге кызыксаңыз ошол багыттагы кесиптердин тизмесин түзүп чыгыңыз. Гуманитардык чөйрөдө өнүгүүнү кааласаңыз, айтылуу тармактагы адистиктерди санаңыз. Жыйынтыгында баарын анализдеңиз. Жакшылап ойлонуп бир чечимге келиңиз. 

Иш жүзүндө байкап көр

"Мен эмнени жактырганымды билбейм" деген суроо пайда болушу мүмкүн. Бул таң калыштуу деле эмес. Анткени, баарыбыз эле иш жүзүндө байкап көрмөйүн жагабы же жокпу так айта албайбыз. Сиздики же сиздики эмеспи түшүнүүнүн эң оңой жолу - ошол кесиптик чөйрөгө аралашуу жана кесип ээлери менен баарлашуу. Профориентациялык тесттерден өтүп (интернетте бар), университеттердин семинарларына, ачык эшик күндөрүнө барып катышыңыз. 

Кыйынчылыктарга даяр бол

Баары дароо боло калбайт. Кыялдар орундалышы үчүн аракет кылып, талыкпай эмгектенүү зарыл. Мыкты кесип ээси болуу үчүн, адегенде профессионалдык жактан өсүшүңүз керек. Издениңиз, билим алыңыз, кыйынчылыктардан коркпоңуз. 

Ата-энең менен сүйлөш

Ата-энеңиз сиздин өзүңүз билбеген тараптарыңызды байкашы мүмкүн. Андыктан, экөөңөр эки башка кесипти каалап жатсаңыз дагы, алардын кеңештерине кулак салыңыз. Бирок, чечим чыгарууда жүрөгүңүздү угуңуз, анткени ал жерде апаңыз же атаңыз эмес, сиз иштейсиз. Ата-энелер эмнеге каршы болот, анткени алар тандаган кесибиңизге ишенбей жаткан болушу мүмкүн. Эгер ушундай көйгөйгө туш болсоңуз, аларга ал кесипти эмне үчүн тандаңыз жакшылап түшүндүрүңүз. 

Жүрөгүңдү ук

Кесип тандап жатканда көбү эмгек маянасына, актуалдуулугуна карашат. Ооба, бул туура, бирок бир нерсени айтып коюу керек. Жакшы көрбөгөн, таң эрте туруп сүйүнүп жөнөбөгөн жумушта иштөө кыйын. Акчасы жакшы болгон күндө дагы, жүрөгүң башка кесипти каалап турса, ал жерде көпкө кармала албайсың. Андыктан, бирөөлөрдү эмес, жүрөгүңүздү угуңуз. 

 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт