Беш айлык балама кошумча тамак берсем ичи катып жатат. Эмне кылсам болот?

2021.04.28, 16:29
540

Саламатсызбы! Беш айлык балам эмчек эмбейт. Агушанын кашасын, үйдөгү сүттү ичет. Кайнатылган суу дагы берем. Беш күндөн бери ичи катып, ый менен бошонуп жатат. Эмне кылсам болот?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
28.04.2021, 16:38

Жаркынай Назарова

Педиатр

Саламатсызбы! Балага кошумча тамакты 6 айынан баштап берүү керек. 4 айга чейин тамак берүүгө тыюу салынат. Анткени, организми даяр эмес болот. Кошумча тамакты эрте бергенден улам ичи катат.

Тамакты алгач чай кашыктын жарымы сыяктуу аз өлчөмдөн баштап, акырындап көбөйтүңүз. Дароо эле көп жедирип салсаңыз ичи катып кыйналат. 

Жаңы бере баштаганда бир гана азыктан пюре же ботко жасап бергенге аракет кылыңыз. Көп аралашмадан жасалган тамак берсеңиз дагы кытышы ыктымал. Бара-бара аралаштырсаңыз болот. Мисалы, бир жемишти үч күн берип, ага аллергия болбосо, ичи катпаса, экинчисине өтүп улантасыз.

Ичтин катышына күмөн санаган азыктарды бербей башксына өтүңүз: ун кошулган же камыр тамактарда крахмал көп болгондуктан ичти катырат. Эгер баланын абалы жакшы болсо, кошумча тамактарды токтото турган жакшы, же аз өлчөмдө бериңиз. Аралашма берсеңиз көбүрөөк суу ичириңиз. Баланын ичине массаж жасап, буттарын велосипед тээп жаткан сыяктуу кылып көнүгүүлөрдү кылыңыз.

 

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт