Жолдошум мурдагыдай болуп сүйөөрүн айтпай калды. Эмне кылсам болот?

2021.04.09, 12:18
588

Саламатсызбы! Эки жыл мурун турмушка чыккам. Бир балам бар, жолдошум экөөбүз көп урушабыз. Жолдошум жакшы, ичпейт, аракетчил, болгону бири-бирибизди түшүнбөйбүз. Сүйүшүп баш кошонбуз. Балалуу болуп бактылуу эле жашачубуз. Уруштун себеби: такыр мага көңүл бөлбөйт, сүйлөшпөйт. Өзүм жакшы мамиле кылайын дейм, бирок арданам, мени жактырбай өзүн көтөрүп алат. Башкача болуп өзгөрүп кетти. Башында сүйөөрүн көп айтчу, эркелетип турчу, азыр такыр башкача. Өзүмдү керексиз сезем. Кетем десем "өзүңдүн чечимиң кете бер" дейт. Жолдошумду аябай жакшы көрөм. Бир күн көрбөсөм кыйналып кетем. Ызаланып ажырашкым келет, бирок дагы боюмда бар. Балам бирге чыга элек. Кыйналып кеттим. Балдарым деп жашасам, өзүм бактысыз болуп калчудаймын.

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
09.04.2021, 12:23

Асель Баимбетова

Психолог

Кутмандуу күнүңүз менен!

Жашоо бир орунда турбайт. Анын сыңарындай, башкалар сыяктуу эле үй-бүлө дагы өсүп-өнүгөт. Мурда аялы менен күйөөсү элеңер, эми балаңар бар, ата-эне деген жаңы статуска ээ болдуңар. Мындай учурда, сөзсүз түрдө жолдошуңуз экөөңөрдүн ортоңордогу мамиле өзгөрөт, жаңы нукка бурулат. Албетте, бул оңой процесс эмес, ар бир үй-бүлө үчүн кыйын.

Учурда кош бойлуу экенсиз. Эми үч эмес төртөө болосуңар. Үй-бүлө өсүп-өнүккөн сайын мүчөлөрү ортосундагы статус, мамиле алмашат. Бул учурда сүйлөшүүлөрдү жүргүзүп, түшүнүктүү болууга аракет кылып, бири-бириңерге ыктап, тил тапканды үйрөнүшүңөр керек. Күн сайын изденип, аракет кылгыла. Эгер “мени дагы сүй” деп жаш баланын позициясын карманып тура берсеңиз, конфликт пайда болуп, аягы ажырашууга алып барат. Колуңардан келбей жатса, чогуу психологго барып кеңеш алгыла.

Бактылуу болуңуз!

Психолог Асель Баимбетова менен инстаграмдагы @psihologiya_kg баракчасы аркылуу байланышсаңыз болот.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт