Байкем менен жеңем кем акыл адамдар. Кантип аларга жөлөкпул алсам болот?

2021.01.19, 11:40
1115

Саламатсызбы! Менин байкем менен жеңем экөө тең кем акыл адамдар. Кантип жөлөкпул чыгарсам болот? Байкемдики паспорту дагы жок эле. 

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
19.01.2021, 11:44

Мелисбек кызы Жаңыгүл

КРнын Эмгек жана социалдык өнүгүү министрлигинин мамлекеттик жөлөкпулдар бөлүмүнүн жетектөөчү адиси  

Кыргыз Республикасынын "Кыргыз Республикасындагы Мамлекеттик жөлөкпулдар жөнүндө" Мыйзамынын негизинде, бул жарандарга пенсиялык камсыздандырууга укугу жок жаран катары социалдык жөлөкпул чектесе болот. Ал үчүн соттун чечими менен жарандарды ишке жөндөмсүз (недееспособный) деп таап, аларга камкорчу (опекун) болуп жакын туугандары же болбосо мыйзамга ылайык өкүлү дайындалышы керек. Соттун чечими менен камкорчу болуп дайындалган жаран көзөмөлүндөгү жарандын кызыкчылыктарын жактай алат.

Жогорудагылардын негизинде камкорчусу социалдык жөлөкпул чектетүү үчүн, камкорундагы жарандардын иш жүзүндө жашаган дареги боюнча райондук же шаардык эмгек жана социалдык өнүктүрүү башкармалыктарына кайрыла алат. Социалдык жөлөкпул чектетүү үчүн жарандар биринчиден медициналык-социалдык эксперттик комиссиядан өтүшү зарыл.

Ошондой эле, байкеңиз паспортун сөзсүз түрдө алышы керек. Паспорту жок эч бир тармак кабыл албайт. 

Кененирээк маалымат алуу үчүн жашаган жериңиз боюнча райондук жана шаардык социалдык өнүгүү башкармалыктарына, КРнын Эмгек жана социалдык өнүгүү министрлигинин жарандар менен иштеген коомдук кабылдамасына кайрылыңыз, 0312 660 107, 0312 45-44-29 номуруна байланышка чыгыңыз, же министрликтин +996 990 603 030 WhatsApp номерине жазыңыз.

 

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт