Мени уктатып коюп шейшептеримди жууган кайын энеме ыраазымын

2021.01.18, 16:23
3949

Bilesinbi.kg окурмандарынын баштан өткөргөн ар түрдүү окуялары менен бөлүшүп келет. Бул ирет жаш келиндин катын жарыялайбыз. Эгер сизде дагы кызыктуу баян бар болсо, бизге жөнөтүңүз.

Эгер мага жети өмүр берилсе, жетөөндө тең ушул үйгө келин болоюн дейт элем. Кайын-журтумдай үй-бүлөгө туш болгонума сүйүнөм. Келин болуп келгениме беш жылдан ашты. Ишенесиңерби, бир дагы жолу өкүнгөн жокмун. Бактылуумун! Күлүп жүрүп эле күндөрүмдүн кандай өткөнүн билбейм.

Биринчи кызымды төрөгөндө кайын энем Москвада болчу. Небереси тогуз айга толгондо кайтып келди. Экинчи баламда мени менен чогуу төрөтканага кирди. Толгоом аябай оор болду. Колумду кармап, такыр жаныман чыккан жок.

Үйгө чыгып келгенде дагы аябай кыйналдым. Отурсам тура албайм, турсам отура албайм дегендей. Өзүм колдонгон шейшептерим кан болуп калган эле.  Эртең жууйм деп, баштыкка салып катып койгом. Баламды уктатып коюп жүрсөм, кайын энем жаныма келип “тур, сен дагы уктап ал, түндө чарчайсың”,- деди. Сүйүнүп кирип кеткем.

Чыксам жанагы катып койгон шейшептерим баары жуулуп жайылып турат. Уялганымды айтпагыла. Карасам кайын энем жүрөт.

- Апа, жуубай эле койбойт белеңиз. Азыр кыйналып жаткам, ошон үчүн эртең жууйм деп катып койгом.

- Эч нерсе болбойт. Жөн эле отурам. Сен өзүңдү кара, балаңды жакшылап чоңойтуп ал. Мен кир жууп кыймылдап койсом эч нерсе болбойм.

Аябай ыраазы болуп ыйлагым келди.

Кайын атам дагы кайын энемден кем калбайт. “Кызым” деп эле турат. “Капкарашка” күйөөмө болсо сөз жок. Аны ушунчалык катуу сүйөм дейсиңер, тим койсо кучагымдан кое бербейт элем. Эки кайын эжем менен бир кайним бар. Келгенден бери бир дагы катуу сөз айтышкан жок, “эмне керек” деп көңүлүмдү карап басып жүрүшөт.

Ушундай сонун адамдардын келини болуу мен үчүн чоң сыймык. Эркелетип, жылуу сөздөрүн айтып турушса, аларга болгон сыйым күчөйт. Ар бирин өзгөчө жакшы көрөм. Мени бүлөңөргө бүлө кылып кошуп, жашоомду гүлгө бөлөгөнүңөр үчүн чоң рахмат. Мени баарыңарды жакшы көрөм.

Эскертүү! Каармандардын аты өзгөртүлдү. Башкы беттеги илюстративдүү сүрөт, макалага тиешеси жок!

Бул жерден башка кызыктуу макалаларды окусаңыз болот:

Кудагыйыма “кызымды көлөкөгө баккам” десем, “мен деле күн көрсөтпөйм” деди

Күйөөмдүн кандай жол менен акча таап келгенин угуп боорум эзилди

Күйөөмдүн жалаяк жууп жатканын угуп аябай таң калдым

Үч баласы бар аялга үйлөнгөнүмө эч качан өкүнбөйм

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт