Кайын атама "эркелебеңиз" деп айтып алып, кол булгалап ыйлагам

2021.01.04, 15:03
4900

Bilesinbi.kg окурмандарынын баштан өткөргөн ар түрдүү окуялары менен бөлүшүп келет. Бул ирет жаш келиндин катын жарыялайбыз. Эгер сизде дагы кызыктуу баян бар болсо, бизге жөнөтүңүз. 

Кайын атамдын өткөнүнө алты жыл болду. А мен сагынып ыйлай берем.

Бүлөсүнө кошуп, кыз кылып алганы үчүн кайын атама абдан ыраазымын. Мени өз кыздарынан дагы артык көрөр эле. Бир дагы жолу катуу сөз айтпады. Ар дайым мактап басып жүрөт. Ушундай жакшы адамдарды эрте кеткени өкүндүрбөй койбойт.

Кайын атамдын ашказаны ооруп каза болду. Ооруп калганда биздин үйдө болду. Күйөөм ишке кетет. Ал келгиче кайын атам экөөбүз чай ичип божурашып отура беребиз. Сакайганда айылына кетмек, аттиң, жакшы боло албады...

Айыкпай турганына көзү жеткен соң, үйүнө кетүүнү чечти. Машина келип токтоду. Мен жүктөрүн багажка салып, көз жашымды жашырып, ага көрүнбөй эле коюуну чечтим. Бирок, кайын атам, шоферду токтотуп, мени чакырды. “Айланайын, бактылуу бол. Өмүрү жамандык көрбө. Мен сенден ыраазымын”,-деп чекемден өптү. “Ата, коштошпоңуз, сөзсүз жакшы болосуз. Ата, жүрөктү түшүрүп эркелебеңиз. Мына көрөсүз жакшы болуп кетесиз, мен сизди көргөнү барам”,-дедим. Көз жашымды агызган боюнча кол булгалап кала бердим.

Каза болгонун укканда ичим эзилип көпкө ыйладым. Бул мен үчүн орду толгус чоң жоготуу эле.

Мен кайын атамды “ата” деп үйрөнгөнмүн. Мен үчүн атам бойдон кала берет. “Ата, сизге абдан ыраазымын. Мен сизди аябай жакшы көрөм. Мен үчүн кылган жакшылыктарыңызды эч качан унутпайм. Күн сайын сиз үчүн дуба кылам. Дагы жашап, неберлериңиздин жакшылыктарына күбө болсоңуз кана... Сиз эсимде мыкты кайын атанын үлгүсү бойдон кала бересиз.”

Балдарым чоң атасындай зирек, акылдуу, мээримдүү болушун каалайм. Деги эле баарыңыздарга меникиндей “ата” насип кылсын.

Эскертүү! Каармандардын аты өзгөртүлдү. Башкы беттеги илюстративдүү сүрөт, макалага тиешеси жок!

Бул жерден башка кызыктуу макалаларды окусаңыз болот:

Кудагыйыма “кызымды көлөкөгө баккам” десем, “мен деле күн көрсөтпөйм” деди

Күйөөмдүн кандай жол менен акча таап келгенин угуп боорум эзилди

Күйөөмдүн жалаяк жууп жатканын угуп аябай таң калдым

Үч баласы бар аялга үйлөнгөнүмө эч качан өкүнбөйм

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт