Боюмда бар экенин билбей укол алгам. Балама зыяны жокпу?

2020.12.23, 14:50
1092

Саламатсызбы! Жооп алып бериңиздерчи сураныч. Бир жума мурун капельница, укол алгам. Жадакалса кан алмаштыргам. Бүгүн этек кирим келбегендиктен тест салып көрсөм 2 сызык чыкты. Эми эмне болот? Аябай кабатыр болуп жатам. Эмне кылсам экен?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
24.12.2020, 16:49

Айпери Соурбекова

Гинеколог-эндокринолог

Салам!

Сиз кайсы күнү кандай укол, капельница алгыныңызды тактап алып, генетиктин консультациясынын өтүшүңүз керек. Генетик дарыларды карап, бала канча пайыз тубаса кемтик менен төрөлө турганын эсептеп, айтып берет. Эгер тобокелчиликтин пайызы аз болсо төрөй берсеңиз болот. Бирок сөзсүз түрдө гинекологдун көзөмөлүндө болушуңуз керек. 12-18 жумалык болгондо төрөткө чейинки скрининг кылынат.

Ошол үчүн дарыгер бейтапка дары-дармектерди жазып берип жатканда, боюңда жокпу, этек кириң качан келди эле деп сурайт. Туура, так жооп берүү керек.

Кээ бир дарылар кош бойлуулукка зыянын тийгизбейт, ошол үчүн кабатырланбай генетикке барыңыз.

Ден соолук каалайм!

Гинеколог-эндокринолог Айпери Соурбекова менен  @doctor_sourbekova_gynekologist инстаграм баракчасы аркылуу байланыша аласыз.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт