Менде төрт эмчек болушу мүмкүнбү? Маммолог кеңеш берет
Саламатсызбы! Эки эмчегимдин астында эки кара "точка" бар болчу. Маани берчү эмесмин. Кийин экинчи кызымды төрөгөндө сыгып көрсөм сүт чыкты.
Менде төрт эмчек болушу мүмкүнбү? Эмне кылсам болот? Зыяны жокпу? Кайсы врачка кайрылам?
Аида Осомбаева
Маммолог
Саламатсызбы! Бул кошумча сүт бези, башкача айтканда рудимент (организмдин тарыхый өрчүү процессинде өзүнүн негизги функциясын жоготкон орган).
Ал колтуктун тегерегинде же сүт безинде болушу мүмкүн. Бул сиздин өзгөчөлүгүңүз, аны дарылоонун кажети жок. Кош бойлуулук жана лактация учурунда сүт чыгышы мүмкүн.
Эч кабатыр болбоңуз, коркунучу жок. Эгер бул нерсе сизди ойго салып жаткан болсо, дарыгердин көзөмөлүнөн өтүп койсоңуз болот.
Ден соолукта болуңуз!
Маммолог Аида Осомбаева менен @dr.mammolog.kg инстаграм баракчасы аркылуу байланышсаңыз болот.
Башкы беттеги сүрөт интернеттен алынды.