Атамдын агасынын баласы 4 жыл зордуктап жүрдү, мындан аркы жашоом кандай болот?

2020.10.27, 12:35
1629

Саламатсызбы. Мен азыр 18 жаштамын. 12 жашыман баштап атамдын агасынын баласы зордуктап жүрчү. Аябай коркутуп койгондуктан эч кимге айта албай койгом. Эки жылдан бери бул көрүнүш болбой калды. Мени ойлондурганы күйөөгө кантип тием?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
27.10.2020, 12:35

Нуриза Батырбекова

Психолог

Аябай кейиштүү окуя болуптур. Зордук зомбулуктун бир нече түрү болот, алардын ичинен эң оору сексуалдык зомбулук болуп эсептелинет.

Мындайда жабыркаган адам өзүн күнөөлүү сезип, алсыздык пайда болот.

Сиздин эч кандай күнөөңүз жок, бул көрүнүш сиздин каалооңуз менен болгон жок. Жакындарыңа айтсаң өлтүрүп коем, же жакындарыңа зыян келтирем, алар сени жаман көрүшөт, алар сага ишенбейт, деп коркутса керек. Ошондуктан көп жылдан бери эч кимге айта албай келгенсиз.

Менин сизге кеңешим, гинекологго кайрылыңыз, андан тышкары психологго, милицияга да барууну сунуштайм. Реабилитациялык борборлорго кайрылсаңыз, психологдор акысыз консультация беришет. Бардыгы анонимдүү жүрөт. Бул психологиялык абалыңызды турукташтырууга жардам берет.

Сиз аябай күчтүү, эрктүү адам экенсиз. Ушундай стресс алганыңызга карабастан, редакцияга жазып, суроолоруңузга жооп алууга, маселени чечүүгө аракет кылып жатасыз. Бул мактоого татыктуу.  

#билесиңбиөспүрүм

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт