10 жашымда байкем зордуктап койгон, ал учурда эмне экенин түшүнгөн эмесмин

2020.10.26, 12:19
2816

Саламатсызбы. Мен азыр 17 жаштамын. 10 жашымда туугандардын балдары менен ойноп жүргөнүмдө, аталаш бир байкебиз мени зордуктап койгон. Ал учурда эмне экенин түшүнгөн да эмесмин.

Эмне кылам? Күндө ар кандай ооруларды сезип жатам. Бул тууралуу ата-энеме айта албайм.

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
26.10.2020, 12:20

Асель Суюнбаева

Психолог

Саламатчылык. Биринчиден, өзүңүздү күнөөлөбөңүз, мында сиздин айып жок. Эгер апаңыз сизди түшүнүп, жардам бере алаарына көзүңүз жетсе, айтканыңыз оң. Анткени ал жакын адамдарыңыздын бири.

Экинчиден, 10 жашыңызда орун алган процесс, чындап эле жыныстык катнаш болгонбу, ошону аныктоо зарыл. Ал үчүн гинекологго кайрылыңыз.

Мынтип айтып жатканымдын жөнү бар. Анткени, бир нече жыл мурун ушундай көйгөй менен 19 жаштагы кыз кайрылган, 6 жашымда 14 жаштагы агам зордуктады, деп. Сунушум менен гинекологго кайрылса, эч кандай жыныстык катнаш болбогону аныкталган. Байкуш кыз, бул оор жүктү 19 жашына чейин эч кимге айтпай көтөрүп келген.

Сиз ишенген жана сырыңызды ача алган жакын адамыңыз менен бирге доктурга кайрылгыла. Ооруларды сезип жатам дедиңиз, гинеколог ден соолугуңузга коркунуч туудура турган көйгөйлөрдүн бар жогун аныктайт. Бар болсо дарылануу жолун айтып берет.

#билесиңбиөспүрүм

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт