Жеңем экөөбүздүн мамилебизди кантип оңдосом болот? Психологдун кеңеши

2020.10.18, 12:55
789

Саламатсызбы. Турмушка чыкканыма үч жыл болду, эки балам бар. Кичүү келинмин, кайын ата, кайын эне менен бир турабыз.

Мени ойлондурган бир маселе бар. Күйөгө тийгенге чейин үйдүн эрке кызы болчу элем. Жөнү жок жерден жеңемди жаман аттуу кылып көрсөтүп койгон учурлар болгон. Ошондон улам, жеңем менен апам экөөнүн мамилеси начар. Канчалык туура эмес иш кылганымды эми гана түшүнүп турам.

Кээде үйгө барып, төркүлөп келгим келет. Чер жазышып, сүйлөшүп отурууну каалайм. Бирок, жеңемдин мага жасаган мамилеси суз. Жаман эч нерсе айтпайт, дебейт, ошентсе да мурункудай болбой калды.

Кантип мамилебизди оңдосом болот?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
18.10.2020, 12:55

Нургүл Барпиева

Психолог

Саламатчылык. Негизи бардыгыбыз жаш кезибизде көп жаңылышабыз, ката кетиребиз, туура эмес сүйлөп, кийин өкүнө турган иштерди жасайбыз. Адамдын негизги максаты ар бир катасынан сабак алып, өзүнүн кемчиликтерин оңдоого умтулуу.

Ооба, башындагы түшүнбөстүктөрдөн улам, жеңеңиздин сизге бологон таарынычтары бар болушу мүмкүн. Бирок мамилени оңдоо үчун жок дегенде аракет кылып көрүү керек. Өзүңүздү жеңеңиздин алдында күнөөлүү сезесизби? Эгер “ооба” деп жооп берсеңер, анда мурунку каталарды оңдоонун жолу төмөнкүдөй:

  1. жаңылганыңды, туура эмес иш жасаганыңды моюнга алуу.
  2. кечиримдүү болуу.
  3. кечирим сураганды үйрөнүү.

Кечирим суроо, мамилени жакшыртуунун биринчи кадамы. Жеңеңизден кечирим сураңыз, сүйлөсө сөзүн бузбай, угуңуз. Ага ичиндеги нерселердин бардыгын ачык айтып, чыгарып алууга мүмкүнчүлүк бериңиз.

Мындан кийин түшүнбөстүктөр болсо, дароо айтып, сүйлөшүү жолу менен макулдашып, бир чечимге келүүгө чакырыңыз. Сиз үчүн жеңеңиз менен болгон мамиле маанилүү экенин билдириңиз. Экөөңөрдүн мамилеңердин жакшырганын көрүп, апаңыз да, байкеңиз да өзгөрөт.

Мунун бардыгы сиздин колуңуздан келет деп ишенем. Сиз туура жолдо баратасыз.

Ийгилик!

Психолог Нургуль Барпиева менен инстаграмдагы @nurguil_barpieva_psyhologist баракчасы аркылуу байланыша аласыз.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт