Келгиле, жаңы жылдык дасторкон даярдайбыз
Саналуу күндөн кийин жаңы 2019-жыл кирип келет. Майрамдык дасторкон даярдоо айымдардын баш оорусу. Bilesinbi.kg кожойкелерге жардам иретинде ашкана сырларын үйрөткөн кыргызча ютуб каналдарды сунуштайт.
Биринчи, экинчи тамактын, салаттын, таттуулардын түрлөрүн жасап аппетитти ачат. Каналда 500гө жакын видео бар. Пайдалуу кеңештер айтылып, ашкана сырлары ачылат.
Өзгөчө мандарин формасындагы салат жаңы жылдык дасторкондун көркүн ачса керек. Салаттын рецебин каналдан көрүп алсаңыз болот.
Абысындар арасында билинбегени менен дастаркон жасалгалоо таймашы болот эмеспи. Апаңыздын эркеси болуп жүрүп, абысындардан артта калдыңызбы? Кызбурактан жардам алыңыз.
Оштун ашына, Нарындын беш бармагына, Таластын гүлчөтайына эмне жетсин. Айсулуунун апасы Ысык-Көлдүн кургак кесмесин майын чыгара жасайт экен.
Таттуунун түрүн жасагыңыз келсе Асел айымдын каналына баш баксаңыз өкүнбөйсүз. Жаңы жылдык тортту өзүңүз деле жасап аласыз.
Келе жаткан жаңы жылыңыздар менен!