18ге чыга элекмин, боюмда бар, учетко турууда кыйынчылыктар жаралбайбы?
Саламатсызбы. Менин боюмда бар, жашым 17де. 2021-жылдын январь айында 18ге чыгам. Поликлиникага учетко тураарда жашы жете элек деп кыйынчылыктар жаралат, милицияга берет, деп жатышат. Эмне кылам?
Турмушка өзүм макул болуп чыккам.
Нургазы Абдувалиев
“Академик” юридикалык компаниясынын директору, юрист
Саламатчылык. Ооба, жашы жете элек өспүрүм кыз кош бойлуулук боюнча учетко турганда кандайдыр бир кыйынчылыктар жаралышы мүмкүн.
Мыйзам боюнча дарыгерлер 16 жашка чейинки жашы жете электерге жардам бергенде, бейтаптын макулдугусуз алгачкы иликтөөгө, тергөө же прокуратура орагына билдирүүгө милдеттүү.
Сиз 17 жашка чыгыптырсыз, демек сиздин макулдугуңуз жок бул маалыматты билдирбей коюууга акысы бар.
Кандай болгон күндө да, эмне болот, деп убайым тартпай, тезинен поликлиникага кайрылыңыз. Сизди милдеттүү түрдө учетко алышат.
Өз учурунда кайрылбоо өзүңүздүн да, келечекте төрөло турган ымыркайдын да ден соолугу жана өмүрү үчүн кооптуу экенин унутпаңыз.
Аман-эсен көз жарып алыңыз.
Башкы беттеги сүрөт интернеттен алынды.
Юрист Нургазы Абдувалиев менен инстаграмдагы @academic.kg баракчасы аркылуу байланышсаңыз болот.