Кайын атам бизге берген жерин кайра алдап өзүнө өткөрүп алды

2020.08.11, 15:57
480

Саламатсызбы! Кайын атам бизге чоң атасынын калган жерди берген эле. Биз үй салдык, кызыл китептин да акчасын бердик. Үй бүткөндөн кийин кайын атам алдап өзүнүн атына өткөрүп алыптыр. Үйгө көбүрөөк менин акчам кеткен. Күйөөм көп ооруйт, балалуу боло албай жатабыз. Күйөөмдүн ден соолугунан коркуп жатам. Ал бир нерсе болсо, үй мага калабы?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
11.08.2020, 16:10

Нурислам Раимжанов

"Справедливость" укук коргоо уюмунун юристи

Урматтуу окурман! Биринчи кезекте жолдошуңузга узун өмүр, ден соолук каалайм. Эгер жагдай сиз айткандай болуп, кокус күйөөңүздүн көзү өтүп кетсе, анын атында болгон мүлккө сиз гана мураскор боло аласыз. Ал эми кайын атаңыздын атындагы нерсеге сиз мураскор боло албайсыз, жолдошуңуз болот. Бул жагдай боюнча күйөөңүз менен сүйлөшүнүз, маселени тынч жана акылмандык менен чечүүгө аракет кылыңыз.

Сиздикине окшогон маселе боюнча көпчүлүк кайрылат. Ошондон улам элибиздин ичинде ушундай көйгөй көп экенин билем. Бул маселени чечүүгө бир канча көз караштарды өзгөртүү керек. Тактап айтканда, эки жаштын мүлкү өздөрүнө катталуусу керек. Бүгүнкү күндө бизде кандай: ажырашып кетишсе, келин мүлккө доо койбосун деген ой менен, күйөөнүн атасына же апасына катташат.

Эгер жолдошу каза болсо жесир аялга такай жардам берүү керек. Бирок учурда мындай аялдардын укуктары тебеленип, каза болгон күйөөсүнүн туугандары аны менен тууганчылык маамилени үзүп, душмандай эле мамиле кылышат. Эң өкүнүчтүүсү үйдөн кууп чыгышууда.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт