Чоң атамдын жерин жол кылабыз деп жатышат. Эмне кылсак болот?

2020.08.08, 11:06
514

Саламатсызбы! Биз чоң атамдан атама мураска калган жерде жашайбыз. Мындан 15 жыл мурун элдер биздин жердин жарымын айыл өкмөтүнө барып жол болот деп айыл өкмөтүнүн картасына киргизип коюшуптур. Бирок, кызыл китепте бул жөнүндө эч нерсе жок. Жердин аянты мурункудай эле. Жерди эркек бир туугандарым жок болгондуктан эжеме мураска калтырабыз дешет. Документтерди топтоп жердин аянтын ченегенде бул жер жол болуш керек экен деп жол чыгарып салышпайбы? Жерден жол чыгарбай кантип сактап калсак болот? Жол айылдын  ичиндеги эле малдардын жайкы жайыттына салынмак. Элдердин жолго муктаждыгы деле жок.

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
08.08.2020, 11:13

Нурислам Раимжанов

"Справедливость" укук коргоо уюмунун юристи

Урматтуу окурман! Бүгүнкү күндө, колуңузда жеке менчикке болгон укугуңузду тастыктоочу документ бар болгондуктан (кызыл китеп), ал жер силердин жеке менчик мүлкүңөр болуп эсептелет. КРнын баш мыйзамы болгон Конститутциясына ылайык, эч ким жеке мүлкүнөн өз билемдик менен ажыратылбайт. Ошондой эле жеке менчикти өзгөртүү, мамлекеттин же элдин керегине алуу соттун чечими же сиз менен келишүү аркылуу жүзөгө ашырылат.

Соттун чечими же сиз менен кандайдыр бир келишим жок болсо, кимдир бирөөнүн ал жерди алып коюусу мыйзамсыз болуп эсептелет. Алар мыйзамдын алдына жооп берип калат, картага кирген күндө дагы. Эгер картага кирип калыптыр деген жөн эле сөздү угуп жатсаңыз, жагдайды тактоо максатында, жашаган аймагыңыздагы мамлекттик каттоого кайрылып аныктаңыз. Эгер кирген болсо, кандай документтин негизинде кирди, суроолорду берип тактаңыз. 

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт