Эс тутумду жакшыртуу үчүн 8 лайфхак

1. Өзүңүз үчүн образдарды жараткыла. Олутту маалыматты сактап калуу зарыл болуп турса, салыштырып, окшоштуруп, же бир буюм, адам менен ассоциация кылыңыз.
2. Кээде адамдын атын же телефон номерди эстей албай калган учур болот. Ошондо эс тутумду иштетип, өз алдынча эстегенге аракеттенүү зарыл. Телефонду карап же блокнотту ачууга шашылбаңыз. Бул маалымат сиздин мээдеги текчелердин биринде жатат. Болгону аны табышыңыз керек.
3. Уккан же окуган маалыматты үнүңүздү чыгарып кайталаңыз. Башка кишиге бул тууралуу айтып же түшүндүрүп бериңиз.
4. Арифметикалык эсептерди чыгарыңыз. Кезекте, аялдамада турсаңыз, отургучтарды санап, келип чыккан санды кезектеги адамдардын санына көбөйтүңүз. Же ары-бери өткөн машинелердин номерлерин кошуп суммасын аныктаңыз. Арифметика мээ үчүн мыкты тренажер.
5. Бир күн кечке эмне кылганыңарды, кандай окуяларга туш болгонуңарды эстегиле. Азыркы учурдан тартып эртең мененкиге чейин тетири тартипке келтирип көрүңүз. Ишенип койгула, бул оңой эмес!
6. Көбүрөөк китеп окуңуз. Китеп окуп жатканда, адамдын мээси фантазиясын иштетип, элестетүү, деталдарды эстеп калуу, үчүн чыңалып иштейт.
7. Ыр же бир тексттин үзүндүсүн жатка айткыла. Бир ыргакка, келтирилген ырды жана рифмага түшпөгөн текстти жаттоо мээнин иштешин жакшыртат. Сизге чынында жаккан чыгарманы тандаңыз.
8. Чет тилдерди үйрөнгүлө. Элестетиңиз, Италияга келип, «Buongiorno!» деп саламдашып жатканыңызды. Сизди коштоп келген мекендештериңер суктанып карап калышса керек э? Чет тил үйрөнүү эс тутумду жакшыртат, андан тышкары бул абдан кызыктуу процесс.

Биз эс тутумду жакшыртуунун бир нече техникаларын айтып бердик. Бирок жөн гана көрүп коюу жетишсиз. Аларды иш жүзүндө колдонуу зарыл.

Ийгилик!

Бул жактан дагы окусаңар болот:

Көңүлдү концентрация кылуу үчүн 4 көнүгүү

Баланы өз алдынча сабак окууга кантип үйрөтүү керек? Психологдун кеңеши

Англис тилин үйрөнүү үчүн мыкты тиркемелер жана сайттар