Башында “опухоль” болсо мээси айнып калат деген чынбы? Адистин жообу

2020.05.07, 10:16
680

Саламатсызбы. 19 жаштагы кайын сиңдим бар. Эки айдан бери ооруп жатат. Ата-энеси жин-шайтан кирип кетиптир, деп молдолорго көрсөтүп жүрүшөт. Психологдорго алып баргыла десек, жинди деп, камап салышат, деп коркуп жатышат.

Кайын сиңдим бир туруп жакшынакай эле сүйлөйт, бир туруп түшүнксүз сүйлөп калат. Кээде заара кылып койгонун да билбей калат экен. Түнү менен уктабай, тополоң кыла берет.

Кимге кайрылсак болот? Медицинада ушундай оору барбы? Башында “опухоль” болсо да мээси айнып калат, деп айтышат, ошол чынбы?

Бул сайтка чыккан маалыматтын бардыгы Bilesinbi.kg сайтынын менчиги болуп саналат. Сайтка чыккан маалыматты гиппер шилтемесиз колдонууга тыюу салынат.
Эксперттин жообу
07.05.2020, 10:18

Лилия Мухтарова

Клиникалык психолог, дефектолог

Саламатчылык. Сиздин кайын сиңдиңизге сөзсүз психиатрдын консультациясы керек. Психикалык ден соолуктун республикалык борборунда (РЦПЗ) Фёдорова Людмила Юрьевна, деген адис бар. Ошого кайрылып көргүлө. Бейтапты эртерээк текшерүү зарыл, убакыт өткөн сайын кайра мурунку калыбына келтирүү оорлой берет.

Туугандарыңыз сарысанаа болушпасын, алардын жана бейтаптын өзүнүн макулдугу жок стационарга жаткырышпайт. Ошондуктан бекитип коюшат, деп коркууунун кереги жок.

Ал эми мээсинде шишик болсо ушундай симптомдор болот деп айтуу мүмкүн эмес. Мен азыр кандайдыр бир божомолдоолорду жасаганым да өтө опурталдуу. Менин айткандарыман шишик жок болуп кетпейт, эгер ал бар болсо. А бирок эгер жок болсо, бирок мен шишик болушу мүмкүн деп жоромолдосом, кайын сиңдиңиз абдан ишенчээк болсо, ойлоно берип, ошондон улам пайда болуп калышы да мүмкүн.

Буларды МРТ же ЭЭГ изилдөөдөн өткөндөн кийин гана так айтууга болот.

Ийгилик!

Лилия Мухтарова менен инстаграмдагы @liliya_defectolog_bishkek баракчасы аркылуу байланышсаңыз болот.

Башкы беттеги сүрөт интернеттен алынды.

0
Пайдалуу жооп
Анонимдүү колдонуучунун суроосу модератор текшергенден кийин гана сайтка жайгаштырылат. Эгер сиздин сурооңуз тез жайгашсын десеңиз анда биздин социалдык түйүндөрдүн бирине катталыңыз.
Ɵзүн туура алып жүрүү
биздин сайтта:
сөгүнгөн сөздөрдү жазганга болбойт
суроолорду ким жазса, ага карата мазактаган, шылдыңдаган сөздөрдү жазууга болбой
кимдир бирөөлөрдү коркутуп үркүтүү, же жекеме-жеке сүйлөшүүгө чакырууга болбойт
дискусиянын катышуучуларынын кадыр баркына шек келтирүүгө, басынтууга болбойт
КР нын мыйзамына каршы келген жоопторду чыгарууга болбойт
жоопторду транслитке чыгарууга болбойт
жоопторду башкы тамгалар менен бөлүп чыгарууга болбойт
адамдардын тутунган динине, улутуна асылган, басынткан сөздөрдү жазып чыгарууга болбойт
бир эле суроого ар кайсы ник менен жазууга болбойт
ник менен сөгүнүп сагынган сөздөрдү жазууга болбойт
суроого тиешеси жок жоопторду жазууга болбойт